1 ZAWHÂNA 4:7 - Mara Bible RV (BSI)

⁷ Kho ngaitapa saih u, kyh a pachâ raihrie ei suh u. Kyhpachâna cha Khazohpa tawhta a puapa châ ta, kyhpachâna a hneipa maih Khazohpa sapa châ ei ta, Khazohpa a pahnopa ama châ.

1 ZAWHÂNA 4:7 ပူးပေါင်းရင်းမြစ်များ

ZAWHÂNA 13:34

Biepiepa thiehpa ei cha pie ei, kyh a pachâ raihrie teh u. Kei ta kyh ei pachâpa hawh ei ta, nâmo chhao kyh a pachâ raihrie teh u.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

1 KAWRINI 8:3

Khazohpa kyh a pachâpa deikua cha, Khazohpa ta ano cha a pahno.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

KALATIA 4:9

Tahmâ cha Khazohpa nama pahno haw. Khazohpa ta a pahnopa nama châ haw tah awpa tlao a châ. Cha hawhta nama châ tawh hmâchhâh ta, kheihtazieta khizaw ryhpa chiehleipa nata phahnai leipa lâ nama kua thlâh heih tly? Ama sei ta y heih awpa ma nama tlaichhai?

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.

2 TIMAWTHY 1:7

Khazohpa ta china thlahpa miah pie leipa ta, hmotaotheina nata kyhpachâna nata pachâna pasohpa hneina thlahpa tlao miah a pie.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 ZAWHÂNA 2:10

A unawhpa kyh a pachâtuhpa cha khaihna liata a ypa châ ta, a hluah aw vei.

1 ZAWHÂNA 2:29

Ano cha mosiapa a châ tahpa nama pahno khiahta cha, siana a hrokheipa maih cha ano sapa a châ tahpa nama pahno aw.

1 ZAWHÂNA 2:3

A biepiepazy eima zyh khiahta cha, ano pahnotuhpazy eima châ tahpa eima pahno.

1 ZAWHÂNA 2:4

A biepiepazy zyh tlôh leipa ta, “Ano ei pahno,” a tahtuhpa cha a haihpa a châ. Biehmeiseihpa ano liata y vei.

1 ZAWHÂNA 2:7

Kho ngaitapa saih u, biepie thiehpa nâmo lâ vaw roh leipa na ta, biepie parohpa, kha hlâ tawhta nama hneipa kha tlao ei vaw roh. Cha biepie parohpa cha, bie nama thei hapa kha a châ.

1 ZAWHÂNA 3:9

Ahy rai Khazohpa tawhta a pihpa cha, Khazohpa chi ano liata a ypa vâta, molei ngâ thlâh aw vei. Khazohpa tawhta a pihpa a châpa vâta, molei ngâ thlâh thei vei.

1 ZAWHÂNA 4:11

Kho ngaitapa saih u, Khazohpa ta cha tlatlu ta kyh miah a pachâ khiahta cha, keimo chhao kyh eimâ pachâ raihrie awpa a châ.

1 ZAWHÂNA 4:12

Ahy hmahta Khazohpa hmô beih veih ei. Kyh eimâ pachâ raihrie khiahta cha, Khazohpa cha keimo liata pahrâ aw ta, a kyhpachâna cha keimo liata pakipa ta a y aw.

1 ZAWHÂNA 4:16

Chatanachata Khazohpa ta kyh miah a pachâ tahpa pahno pi ta, eimâ ngiapâ. Khazohpa cha kyhpachâna a châ. Chavâta kyhpachâna liata a ypa cha Khazohpa liata a ypa châ ta, Khazohpa chhao ano liata a y.

1 ZAWHÂNA 4:20

Chyhsa ta, “Khazohpa kyh ei pachâ,” tah sala, a unawhpa â hao tlôh khiahta cha, a haihpa a châ. A unawhpa a hmô thlâh hapa hmahta kyh a pachâ vei khiahta cha, a hmô leipa Khazohpa chhochhi cha kheihta ma kyh a pachâ thei aw?

1 ZAWHÂNA 4:8

Khazohpa cha kyhpachâna châ tlôh ta, kyhpachâna a hnei leipa cha Khazohpa pahno vei.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

2 ZAWHÂNA 1:5

Chanô phapa y, na hnohta biepie thiehpa vaw roh leipa na ta, athaohta tawhta eima hneipa biepiepa kha ei vaw roh heih. Kyh a pachâ raihrie suh u.