1 ZAWHÂNA 4:5 - Mara Bible RV (BSI)

⁵ Âmo cha khizaw tawhtapa châ ei ta, chavâta khizaw saizie ta bie reih ei ta, khizaw ta ama bie a nathlie.

1 ZAWHÂNA 4:5 ပူးပေါင်းရင်းမြစ်များ

HLAZY 17:4

Chyhsapa hmotaopazy kyh liata, Na hmao tawhta bie vâta, Thachahra hmâna lâpizy ei khôkhâh haw.

ZEREMIAH 29:8

Pheisaihzy Abeipa, Izarei Khazohpa ta hetana heta a tah: Nama hry liata hrohsopazy nata pachaothaipazy a padôveisa leipa u la, mâ ama sapazy nathlie khuh vy.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

MIKÂ 2:11

Chyhsa ta a khiekhâpa ta, Ziza nata haipa biezy reih sala, “Kresawhti nata sahma kyh ei cha chho aw ei,” A tah khiahta cha, Cha phopi hrohsopa a châ aw.

LUKA 16:8

A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via.

ZAWHÂNA 17:14

Na bie ama hnohta pie ha ei na ta, kei khizawpa ei châ leipa hawhna heta, âmo chhao khizawpa ama châ leipa vâta, khizaw ta âmo cha amâ hao.

ZAWHÂNA 17:16

Kei khizawpa ei châ leipa hawhna heta, âmo chhao khizawpa châ veih ei.

ZAWHÂNA 3:31

Chô lâ tawhta a zupa cha chyhsa zydua hlâta chônô chaipa a châ. Alei liata a pihpa cha lei chyhsa châ ta, lei hmozy a reih tyh. Vârâh tawhta a zupa deikua cha, chyhsa zydua hlâta chônô chaipa a châ.

ZAWHÂNA 8:23

Zisu ta ama hnohta, “Nâmo cha ry lâ tawhta a puapa châ ei chi ta, kei deikua cha, chô lâ tawhta a puapa ei châ. Nâmo cha khizaw tawhta a puapa châ ei chi ta, kei deikua cha, he khizaw tawhta a puapa châ va na.

2 TIMAWTHY 4:3

Chyhsazy ta pachuna dopa nathlie hoh leipa ta, ama nah â za hapa vâta, ama thei khohpa biezy a reih awpa pachutuhpazy deita ama hrua khohna daihti a vaw tlô aw.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.