1 ZAWHÂNA 4:4 - Mara Bible RV (BSI)

⁴ Sawzy saih u, nâmo la, Khazohpa tawhtapa châ ei chi ta, nâmo liata a ypa cha khizaw liata a ypa hlâta a rônah viapa vâta, chazy cha nama tiah haw.

1 ZAWHÂNA 4:4 ပူးပေါင်းရင်းမြစ်များ

ZAWHÂNA 12:31

Tahmâ he khizaw pachiana daihti châ ta, tahmâ he khizaw bei cha thypa a châ aw.

ZAWHÂNA 14:30

He tawhta la nama hnohta bie reih hluh thei khao aw va na, khizaw ryureituhpa a vy tlôh aw ta. Ei chô liata biehnei taraw vei,

ZAWHÂNA 16:11

Pachiana kyh liata ama thaileichâna cha, khizaw ryureituhpa he a thâtih pachiapa a châ hapa vâta a châ.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

1 KAWRINI 2:12

Khazohpa ta a saipa ta hmo miah a piepazy eima pahno thei nawpa ta, khizaw thlahpa to leipa pi ta, Khazohpa tawhta Thlahpa tlao eima to.

1 KAWRINI 6:13

“Niepa cha py châta châ ta, py cha niepa châta a châ,” châhrasala Khazohpa ta a pahleipadia raihrie aw. Pôhpa he apatlana moleina châta châ leipa ta, Abeipa châta tlao a châ, Abeipa chhao pôhpa châta a châ.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

EPHESI 2:2

He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

1 ZAWHÂNA 2:1

Ei saw saih u, nama molei lei nawpa ta, he biezy he nâmo lâ ei vaw roh. Chatanachôta chyhsa ta a molei khiahta cha, Paw lâta miah reikheituhpa mosiapa Zisu Krista eima hnei.

1 ZAWHÂNA 2:13

Pawzy saih u, âthaona tawhta a y thlâhpa ano cha nama pahnopa vâta, nâmo lâ ei vaw roh. Satliazy saih u, moleina nama tiah hapa vâta, nâmo lâ ei vaw roh. Sawzy saih u, Paw nama pahnopa vâta, nâmo lâ ei vaw roh.

1 ZAWHÂNA 3:20

Eima palôh ta thailei miah a pachâsana maihta, Khazohpa cha keimo palôh hlâta a lai viapa châ ta, ato pahnotuhpa a châ tahpa eima pahno.

1 ZAWHÂNA 3:24

A biepiepazy a zyhpa cha Khazohpa liata y ta, Khazohpa chhao ano liata a y. Thlahpa miah a piepa liana heta, Khazohpa cha keimo liata a y tahpa eima pahno.

1 ZAWHÂNA 4:13

A Thlahpa miah a piepa liana heta, ano liata y pi ta, ano chhao keimo liata a y tahpa eima pahno.

1 ZAWHÂNA 4:16

Chatanachata Khazohpa ta kyh miah a pachâ tahpa pahno pi ta, eimâ ngiapâ. Khazohpa cha kyhpachâna a châ. Chavâta kyhpachâna liata a ypa cha Khazohpa liata a ypa châ ta, Khazohpa chhao ano liata a y.

1 ZAWHÂNA 4:6

Keimo cha Khazohpa tawhtapa châ pi ta, Khazohpa a pahnopa maihta eima bie nathlie ei ta, Khazohpa tawhtapa a châ leipazy deikua cha, eima bie nathlie veih ei. Cha liana chata Thlahpa dopa nata thlahpa doleipa eima pahno.

1 ZAWHÂNA 5:19

Keimo cha Khazohpa tawhtapa châ pi ta, khizaw pôhpalôhpa he Sâtâ rei sai ta a y tahpa eima pahno.

1 ZAWHÂNA 5:4

Khazohpa sapa maihta khizaw ama tiah tyh. He he khizaw pahniepa ta eima tiahna cha a châ, eimâ ngiapâna hih.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.