1 ZAWHÂNA 4:20 - Mara Bible RV (BSI)

²⁰ Chyhsa ta, “Khazohpa kyh ei pachâ,” tah sala, a unawhpa â hao tlôh khiahta cha, a haihpa a châ. A unawhpa a hmô thlâh hapa hmahta kyh a pachâ vei khiahta cha, a hmô leipa Khazohpa chhochhi cha kheihta ma kyh a pachâ thei aw?

1 ZAWHÂNA 4:20 ပူးပေါင်းရင်းမြစ်များ

ZAWHÂNA 13:35

Kyh namâ pachâ raihriepa liana chata, chyhsa zydua ta ei pachupazy nama châ tahpa ama pahno aw,” tah ta.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

1 ZAWHÂNA 1:6

Zohna liata y thlâh ha tlôhpa ta ano ei kao eima tah khiahta cha, haipa bie eima reih, biehmeiseihpa liata hroh ma pi.

1 ZAWHÂNA 1:8

Moleina hnei ma pi eima tah khiahta cha, keimosasyh ta eimâ dô, biehmeiseihpa keimo liata y vei.

1 ZAWHÂNA 2:11

A unawhpa, a haotuhpa deikua cha zohna liata y ta, zohna liata a charei. Zohna ta a mo a pachaosapa vâta khataih lâ ma a sie tahpa chhao pahno vei.

1 ZAWHÂNA 2:4

A biepiepazy zyh tlôh leipa ta, “Ano ei pahno,” a tahtuhpa cha a haihpa a châ. Biehmeiseihpa ano liata y vei.

1 ZAWHÂNA 2:9

Khaihna liata a ypa hawhta a reih tlôh ta, a unawhpa a haopa cha, zohna liata a y thlâh ha chy.

1 ZAWHÂNA 3:17

Chyhsa ta khizaw sôh hnei thlâh ha tlôh ta, a unawhpa a phahlapa hmô sala, thapasana a hnei leipa khiahta cha, Khazohpa kyhpachâna cha ano liata kheihta a y thai aw?

1 ZAWHÂNA 4:12

Ahy hmahta Khazohpa hmô beih veih ei. Kyh eimâ pachâ raihrie khiahta cha, Khazohpa cha keimo liata pahrâ aw ta, a kyhpachâna cha keimo liata pakipa ta a y aw.