1 ZAWHÂNA 4:16 - Mara Bible RV (BSI)

¹⁶ Chatanachata Khazohpa ta kyh miah a pachâ tahpa pahno pi ta, eimâ ngiapâ. Khazohpa cha kyhpachâna a châ. Chavâta kyhpachâna liata a ypa cha Khazohpa liata a ypa châ ta, Khazohpa chhao ano liata a y.

1 ZAWHÂNA 4:16 ပူးပေါင်းရင်းမြစ်များ

HLAZY 31:19

Chyhsa sawzy mohmô ta, Châ chituhpazy châta phana na pachôpa hluh ngaita ta, Châ chhaituhpazy châta na raihria a hluh ngaita!

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

ZAWHÂNA 6:69

keimo chhao ta châ ngiapâ pi ta, Khazohpa Mopathaihpa na châ tahpa eima pahno haw,” tah ta.

ZAWHÂNA 9:3

Zisu ta a chhy ta, “He chyhsa tlyma, a nôpaw tlyma, moleina vâta châ vei, Khazohpa raihria a chô liata â lâ nawpa ta mochaopa ta a pihpa tlao a châ.

1 KAWRINI 2:9

“Ano kyh a pachâpazy châta Khazohpa ta â chhuahdypa cha, Mo ta hmô veih ei; Nah ta thei leipa ei ta, Palôh ta pachâ veih ei,” tahpa ropa hawhta ama châ.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.

1 ZAWHÂNA 3:16

He liana heta kyhpachâna cha khâpa ma a châ tahpa eima pahno: Krista ta keimo châta a hrona a piepa hawhta, keimo chhao unawhzy châta eima hrona eima pie hra awpa a châ.

1 ZAWHÂNA 3:24

A biepiepazy a zyhpa cha Khazohpa liata y ta, Khazohpa chhao ano liata a y. Thlahpa miah a piepa liana heta, Khazohpa cha keimo liata a y tahpa eima pahno.

1 ZAWHÂNA 4:7

Kho ngaitapa saih u, kyh a pachâ raihrie ei suh u. Kyhpachâna cha Khazohpa tawhta a puapa châ ta, kyhpachâna a hneipa maih Khazohpa sapa châ ei ta, Khazohpa a pahnopa ama châ.