1 ZAWHÂNA 4:1 - Mara Bible RV (BSI)

¹ Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

1 ZAWHÂNA 4:1 ပူးပေါင်းရင်းမြစ်များ

1 ABEIZY 13:18

Hrohsopa ta a hnohta, “Kei chhao he nâ hawhta hrohsopa ei châ hra. Vâlyuhchâpa ta ei hnohta, ‘Viahchhâ zy niepa ta, ti zy doh awpa ta, na hnohta na o lâ a chhi mah y,’ tahpa ta Abeipa bie ta eina chho,” tah ta. Cha cha haipa bie a chhopa a châ.

BIESOZY 14:15

Sona a phahlapa cha bie to zo ta, Chyhsa sopa deikua cha a lâpizy a pachâ tyh.

ZEREMIAH 14:14

Abeipa ta hetana heta einâ chhy: “Hrohsopazy ta ei moh ta haipa ta hrohsona biezy ama phuah tyh. Âmo cha ei tuapa châ leipa ei ta, biepie hra leipa ei na ta, ama hnohta bie reih hra va na. Aluahna phichhyhpa, pachaona hraoleipa nata ama palôh liata dôveina biezy ama cha chhopa a châ.

ZEREMIAH 23:16

Pheisaihzy Abeipa ta hetana heta a tah: “Nama hnohta hrohsona bie a phuahpa hrohsopazy bie nathlie khuh vy. Hnabeiseihna hraoleipazy ta châ pabietuhpazy deita ama châ. Abeipa pakah tawhta a puapa châ leipa ta, âmo palôh liata hmo a lâpazy ama reih tyh.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

MÂKA 13:21

Chyhsa ta nama hnohta, ‘Moh teh u, Mesia cha he liata a y,’ a tah khiahta tlyma, ‘Moh teh u, hao liata a y,’ a tah khiahta tlyma, zo khuh vy.

LUKA 12:57

“Khazia hmo dopa cha nâmo ta nama pasia thlâh ha vei?

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

HMOTAOPAZY 20:29

Ei sie tawhta changie a hrâhpazy nama hry liata a vaw ngia aw ei ta, mietakuzy pahlôh aw vei tahpa ei pahno.

1 KAWRINI 12:10

Thokha hnohta hmonoâhpa tao theina piepa châ ta, ahropa hnohta hrohsona bie phuah theina piepa a châ. Chyhsa hropa hnohta thlahpa nanopazy pahrua thaina piepa châ ta, mohropa hnohta reihtheileipa ta bie rei theina piepa châ ta, ahropa hnohta reihtheileipa chhopasia theina piepa a châ.

1 KAWRINI 14:29

Hrohsopa pano tlyma, pathôh tlyma ta bie reih ei sala, ama biereipa cha mohropazy ta pakhâta ta pachâ mawh ei sy.

1 THYSALAWNIKA 5:20

Hrohsona biezy mohnao leipa u la,

1 THYSALAWNIKA 5:21

ato pasiapa ta, a phapa maih a pyh u la,

2 THYSALAWNIKA 2:2

Abeipa Noh cha a vaw tlô ha na, tahpa ta thlahpa ta reipa tlyma, bie ta reipa tlyma, keimo tawhta châpaphaopa hawhta reipa tlyma a y khiahta cha, nama palôh thlai a chalyu leipa sala, nama thlazoh hra khah sy.

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

1 ZAWHÂNA 2:18

Sawzy saih u, daihti hnôhchaipa a châ haw. Krista dyuhtuhpa â vy aw tahpa nama theipa hawhna khata, tahmâ chhao Krista dyuhtuhpa hluhpi ama vaw pua haw. Chavâta daihti hnôhchaipa a châ haw tahpa eima pahno.

1 ZAWHÂNA 2:7

Kho ngaitapa saih u, biepie thiehpa nâmo lâ vaw roh leipa na ta, biepie parohpa, kha hlâ tawhta nama hneipa kha tlao ei vaw roh. Cha biepie parohpa cha, bie nama thei hapa kha a châ.

2 ZAWHÂNA 1:7

Dôveituhpa hluhpi khizaw liata ama vaw pua haw. Âmo cha Zisu Krista sapa ta â vypa a pyh leipazy ama châ. Cha hawhpa chyhsazy cha dôveituhpa nata Krista dyuhtuhpazy ama châ.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.

BIEPHUAH 2:2

“‘Na hmotaopa, na hriapasazie, na tao hualuazie nata chyhsa moleipa na chhyh thai leizie zy ei pahno. Lyuhchâpa châ tlôh leipa ta lyuhchâpa â tahpazy pasia chi ta, a haihpa ama châ tahpa na pahno.