1 ZAWHÂNA 3:8 - Mara Bible RV (BSI)

⁸ Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

1 ZAWHÂNA 3:8 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

MALUHREINA 21:9

Cha hawhna chata Mawsi ta dawh parih tao ta, atôh liata chaluah ta. Parih pachupa maihta dawh parih cha ama moh nahta, hroh lymâ ei ta.

MATHAI 12:28

Khazohpa Thlahpa vâta ahripazy a papuapa ei châ khiahta deikua cha, Khazohpa khinarâh cha nama chô liata a vaw tlô hapa a châ.

MATHAI 13:38

Lyu cha khizaw châ ta, chi phapa cha khinarâh sawzy ama châ. Sâh pakheipazy cha moleipa sawzy châ ei ta,

MATHAI 4:3

Reipasaotuhpa a vy ta, a hnohta, “Khazohpa Sawchapawpa na châ khiahta cha, alôzy he viahchhâ lâta a vaw lie awpa ta biepie teh,” tah ta.

MÂKA 1:24

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Khazohpa Chyhsa Pathaihpa na châ tahpa ei pahno,” tah ta.

LUKA 10:18

Zisu ta ama hnohta, “Dôhla pathliepa hawhta Sâtâ avâ tawhta a za tlapa ei hmô.

ZAWHÂNA 12:31

Tahmâ he khizaw pachiana daihti châ ta, tahmâ he khizaw bei cha thypa a châ aw.

ZAWHÂNA 16:11

Pachiana kyh liata ama thaileichâna cha, khizaw ryureituhpa he a thâtih pachiapa a châ hapa vâta a châ.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

RAWMA 16:20

Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.

EPHESI 2:2

He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

KAOLAOSÂ 2:15

Krista ta ryureituhpazy nata biehneituhpazy cha ama châna pahluh ta, kraws liata âmo cha pahniepa ta, â lâhâhpa ta maophyuhpa ta a tao ha ei.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

HEBRAI 9:26

Cha hawhta châ leipa sala, leilô y tua no tawhta pasa a tao chanei ngâ thlâh ha aw. Châhrasala daihti chhâna lâ liata, chhâzaw châta ei kha a vaw luah ta, anosasyh ta atheihna ta a hlâpa ta moleina a pahlei haw.

2 PITY 2:4

Vâlyuhchâpazy moleina hmo ama tao nona kha, Khazohpa ta âmo cha pahlôh leipa ta, hriena su liata thy ta, pachiana daihti a tlô hlâlei khaohtlô zohpa liata a khô chy ei.

1 ZAWHÂNA 1:2

Hrona cha a vaw luah ta, hmô pi ta, eima pahnokhei. Cha chhâzaw hrona, Paw hnohta a ypa cha eima hnohta a vaw luah ta, cha thâtih cha nama hnohta eima phuah.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:5

Krista cha moleinazy siekhei awpa ta â vaw luah tahpa nama pahno. Ano liata la moleina rai y vei.

1 ZAWHÂNA 5:19

Keimo cha Khazohpa tawhtapa châ pi ta, khizaw pôhpalôhpa he Sâtâ rei sai ta a y tahpa eima pahno.

ZUDÂH 1:6

Vâlyuhchâpazy chhao ama biehneina nata ama pahrâna su a siesaipazy cha, noh rônahpa pachiana noh tlôna taihta zohna hnabeidyna ry liata chhâzaw bâlia ta chahrypa ta y awpa ta Abeipa ta a soh chy ei.

BIEPHUAH 20:10

Âmo dôveituhpa ahripa cha, sahrâhpa nata hrohso pakheipa yna mei nata kaih tipo liata thypa châ ta, chhô nah zâ ta chhâzaw nata tlyzaw ta pasa pataosapa a châ aw.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.