1 ZAWHÂNA 3:23 - Mara Bible RV (BSI)

²³ A biepipa cha he he a châ: A Sawchapawpa Zisu Krista moh a ngiapâ ta, bie miah a piepa hawhta kyh a pachâ raihriepa he a châ.

1 ZAWHÂNA 3:23 ပူးပေါင်းရင်းမြစ်များ

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

MATHAI 22:39

A mianona cha he he a châ: Nâma kyh nâ pachâpa hawhta na vaih kyh na pachâ awpa a châ.

MÂKA 9:7

Chatawhcha meihdo ta âmo cha vaw khu ta, meihdo tawhta ao vaw pua ta, “He he ei Sawchapaw, kyh ei pachâpa a châ. A bie nathlie teh u,” tah ta.

ZAWHÂNA 1:12

Châhrasala ano a pyhpa nata ano a ngiapâpa zydua cha, Khazohpa sawzy châ theina biehneina a pie ei.

ZAWHÂNA 13:34

Biepiepa thiehpa ei cha pie ei, kyh a pachâ raihrie teh u. Kei ta kyh ei pachâpa hawh ei ta, nâmo chhao kyh a pachâ raihrie teh u.

ZAWHÂNA 14:1

“Nama pathipalôh nôpo khah sy. Khazohpa namâ ngiapâ na, kei chhao nâ ngiapâ hra teh u.

ZAWHÂNA 15:12

“He he ei biepiepa cha a châ. Kei ta nama kyh ei cha pachâpa hawhna heta, nâmo chhao kyh a pachâ raihrie teh u.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 2:23

Zawpakhô kyhchhi nota Zerusale liata y ta, hmonoâhpa a taopazy ama hmô nahta, chyhsa hluhpi ta a ngiapâ ei ta.

ZAWHÂNA 3:18

Ahy rai ano a ngiapâpa cha thailei pachâsapa ta y aw vei. Ahy rai a ngiapâ leipa deikua cha, Khazohpa Sawchapaw matlupa moh â ngiapâ leipa vâta, tahmâ bawlawh ta thailei pachâsapa ta a y haw.

ZAWHÂNA 6:29

Zisu ta âmo cha a chhy ta, “Khazohpa raihria cha he he a châ, a tuapa he a ngiapâ teh u,” tah ta.

HMOTAOPAZY 16:31

Âmo ta, “Abeipa Zisu a ngiapâ la, pachhapa ta na y aw, nâ nata na chhôhkhazy chhaota,” tah ei ta.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

1 THYSALAWNIKA 4:9

Unawhzy kyhpachâna kyh liata, nama hnohta châpaphaopa ei ro awpa a ngiah veih ei chi. Kyh a pachâ raihrie awpa ta Khazohpa ta a cha pachu ei.

1 TIMAWTHY 1:15

Krista Zisu cha moleipazy pachha awpa ta khizaw lâta â zu tahpa he, bie ngâchhihpa nata a pyh tlâh ngaitapa a châ. Kei he moleipazy hry liata molei chaipa ei châ hih.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 4:8

Kyhpachâna ta moleina hluhpi khu ta, chavâta ato zydua hlâta kyhpachâna pachâ peimawh viapa ta, palôh hmeiseihpa ta kyh khâ a pachâ teh u.

1 ZAWHÂNA 2:7

Kho ngaitapa saih u, biepie thiehpa nâmo lâ vaw roh leipa na ta, biepie parohpa, kha hlâ tawhta nama hneipa kha tlao ei vaw roh. Cha biepie parohpa cha, bie nama thei hapa kha a châ.

1 ZAWHÂNA 3:11

He he âthaona tawhta bietapa nama theipa kha a châ: Kyh eimâ pachâ raihrie awpa a châ tahpa hih.

1 ZAWHÂNA 4:15

Ahy rai Zisu cha Khazohpa Sawchapawpa a châ tahpa a châkheipa maih cha, ano liata Khazohpa y thlâh ha ta, ano chhao Khazohpa liata a y thlâh ha hra.

1 ZAWHÂNA 4:21

He biepiepa he Khazohpa tawhta eima daopa a châ: Khazohpa kyh a pachâpa cha, a unawhpa chhao kyhpachâ hra mawh sy.

1 ZAWHÂNA 5:13

Chhâzaw hrona nama hnei tahpa nama pahno thei nawpa ta, nâmo, Khazohpa Sawchapawpa moh a ngiapâtuhpazy hnohta, he biezy he ei roh.