1 ZAWHÂNA 3:21 - Mara Bible RV (BSI)

²¹ Kho ngaitapa saih u, eima palôh ta thailei miah a pachâsa leipa khiahta cha, Khazohpa liata alôhna eima hnei tahna a châ.

1 ZAWHÂNA 3:21 ပူးပေါင်းရင်းမြစ်များ

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

HEBRAI 4:16

Chavâta zawngiahna eima hmô thei nawpa nata bao eimâ ngiah daihti liata miah bao awpa ta ngiachhiena eima hmô thei nawpa ta, ngiachhiena beidyuchhai cha riahphapa ta a hnia suh u.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

1 ZAWHÂNA 5:14

He he ano liata eima thlalôhna a châ: Khâpa rai a khozie hawhta eima hiah khiahta cha, miah a nathlie tyh.

HLAZY 101:2

Phapakipa ta hro ei chhuah aw, Khati ta kei lâ nâ vy aw? Palôh dopa phaopa ta, Ei o liata ei vaw y aw.

1 ZAWHÂNA 4:17

Cha hawhna chata kyhpachâna cha keimo liata pakipa ta y ta, he khizaw liata ano lyupa ta eima ypa vâta, ryureina noh châta thlalôhna eima hnei thei haw.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

ZAWBÂ 22:26

Chatawhcha Atotaotheipa liata a ly aw chi ta, Khazohpa lâ na hmia na pachhua aw.

1 KAWRINI 4:4

Keimasasyh a maochhie nawpa khâpa hmah pahno va na. Châhrasala cha chata thai na pachâsa hlei vei. Nâ pachiatuhpa cha Abeipa a châ.

ZAWBÂ 27:6

Ei siana khâchâ patu aw na ta, Pathlie beih aw va na; Ei noh hmâ hapazy vâta, Ei palôh ta na maochhie vei.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.

RAWMA 14:22

He kyh liata ngiapânazie na hneipa cha, Khazohpa nata nâma likah liata a y awpa châta soh mah y. Ano ta pha a tahpa kyh liata anosasyh thailei a pachâsa leipa chyhsa cha a nohlao na.

EPHESI 3:12

Krista eimâ ngiapâpa vâta, riahphapa nata ngâhna chôta Khazohpa eima hnia thei haw.

1 ZAWHÂNA 2:7

Kho ngaitapa saih u, biepie thiehpa nâmo lâ vaw roh leipa na ta, biepie parohpa, kha hlâ tawhta nama hneipa kha tlao ei vaw roh. Cha biepie parohpa cha, bie nama thei hapa kha a châ.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

1 ZAWHÂNA 3:20

Eima palôh ta thailei miah a pachâsana maihta, Khazohpa cha keimo palôh hlâta a lai viapa châ ta, ato pahnotuhpa a châ tahpa eima pahno.