1 ZAWHÂNA 3:20 - Mara Bible RV (BSI)

²⁰ Eima palôh ta thailei miah a pachâsana maihta, Khazohpa cha keimo palôh hlâta a lai viapa châ ta, ato pahnotuhpa a châ tahpa eima pahno.

1 ZAWHÂNA 3:20 ပူးပေါင်းရင်းမြစ်များ

ZAWBÂ 27:6

Ei siana khâchâ patu aw na ta, Pathlie beih aw va na; Ei noh hmâ hapazy vâta, Ei palôh ta na maochhie vei.

ZAWBÂ 33:12

“Moh teh, ei châ chhy aw, He kyh liata la a do va chi; Khazohpa cha chyhsapa hlâta rônah viapa mâh a châ tâh.

HLAZY 90:8

Eima paraonazy na hmiakô liata soh chi ta, Arulâta eima moleinazy chhao, Na hmia khaihna liata na soh tyh.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 23:24

“Ei hmô thei lei nawpa ta, su nyupazy liata a nyu theipa ama y ma?” Abeipa ta a tah. “Avâ nata alei he kei ta bie thlâh ha va na ma?” Abeipa ta a tah.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

ZAWHÂNA 8:9

A bie reipa cha ama thei nahta, machâ chaipa tawhta pua pathao ei ta, pakha pakha ta pua lymâ ei ta, Zisu cha ama puasai khai haw. Chanô cha Zisu hmiakô liata a duah thlâh ha ta.

HMOTAOPAZY 5:33

Cha biezy ama thei nahta, ama hie thata hâh ta, lyuhchâpazy cha thie a chhuah ei ta.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

1 KAWRINI 4:4

Keimasasyh a maochhie nawpa khâpa hmah pahno va na. Châhrasala cha chata thai na pachâsa hlei vei. Nâ pachiatuhpa cha Abeipa a châ.

TITU 3:11

Cha hawhpa chyhsa cha sie chhei ha ta, moleipa châ ta, anosasyh ta thailei â pachâpa a châ tahpa pahno mah y.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

HEBRAI 6:13

Khazohpa ta Abarahâ hnohta bietai a tao nona kha, ano hlâta rônah viapa moh reipa ta bie â taih nawpa a y leipa vâta, anosasyh ta bie a taih ta,

1 ZAWHÂNA 3:19

Cha liana chata biehmeiseihpa liata eima y tahpa pahno pi ta, palôh liata alôhna hneipa ta a hmiakô liata eima y theipa a châ.

1 ZAWHÂNA 3:21

Kho ngaitapa saih u, eima palôh ta thailei miah a pachâsa leipa khiahta cha, Khazohpa liata alôhna eima hnei tahna a châ.

1 ZAWHÂNA 4:4

Sawzy saih u, nâmo la, Khazohpa tawhtapa châ ei chi ta, nâmo liata a ypa cha khizaw liata a ypa hlâta a rônah viapa vâta, chazy cha nama tiah haw.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.