1 ZAWHÂNA 3:2 - Mara Bible RV (BSI)

² Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

1 ZAWHÂNA 3:2 ပူးပေါင်းရင်းမြစ်များ

ZAWBÂ 19:26

Ei vo ky khai ha hra sala, Ei sapa chhâ ta Khazohpa cha hmô aw na ta,

HLAZY 16:11

Hrona lâpi na pahmôsa chi ta, Na yna liata lyna kipa y ta, Na ku chachâh lâta tlyzaw thaphana a y.

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 31:19

Chyhsa sawzy mohmô ta, Châ chituhpazy châta phana na pachôpa hluh ngaita ta, Châ chhaituhpazy châta na raihria a hluh ngaita!

ISAI 56:5

Sawchapawzy nata sawchanôzy hlâta pha viapa ei pie aw ei; Atheithlâhna hmo nata moh phana zy Ei o chhôh liata pie aw ei na ta, Ei thokhyzy chhôh liata ei pie aw ei. Tlyzaw ta a y awpa moh pie aw ei na ta, Ama moh lei khao aw vei.

MALAKHAI 3:2

Châhrasala ahy ma â vyna noh liata pachyu thei aw ta, â vaw luah tita a duah thei aw? Ano cha patina mei hawhta châ ta, chysia pasutuhpa sâhbaw hawhta a châ.

MATHAI 5:8

“Palôh pathaihpazy ama nohlao na, Khazohpa ama hmô awpa vâta.

LUKA 17:30

Chyhsa Sawchapawpa chaluahpa ta a yna noh liata chhao, cha hawhta a châ hra aw.

LUKA 20:36

Thi thei khao aw veih ei. Thyuheihna sawzy ama châpa vâta, Khazohpa sawzy châ ei ta, vâlyuhchâpazy hawhta ama châ haw.

ZAWHÂNA 1:12

Châhrasala ano a pyhpa nata ano a ngiapâpa zydua cha, Khazohpa sawzy châ theina biehneina a pie ei.

ZAWHÂNA 11:52

Izarei phopi châta dei châ leipa ta, Khazohpa saw râh to liata hiepatlapazy hlao kha ta syhpahmaoh nawpa a châ hra.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

RAWMA 8:16

Cha Thlahpa tlai chata keimo thlahpa nata a kaopa ta, Khazohpa sawzy eima châ tahpa miah a pahnokhei.

RAWMA 8:18

Tahmâ nota pasa taonazy he, noh hro ta eima chô liata rônahna palâsa awpa nata pakho khi ta rao va na.

RAWMA 8:19

Hmotaopazy ta Khazohpa sawzy aluahna daihti vâpa ta, ngiatiah leipa ta ama hâ thlâh haw.

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

1 KAWRINI 15:49

Dohlei ta taopa chyhsapa lyuna eima hneipa hawhta, vârâh tawhta chyhsapa lyuna chhao eima hnei hra aw.

1 KAWRINI 2:9

“Ano kyh a pachâpazy châta Khazohpa ta â chhuahdypa cha, Mo ta hmô veih ei; Nah ta thei leipa ei ta, Palôh ta pachâ veih ei,” tahpa ropa hawhta ama châ.

2 KAWRINI 3:18

Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

KALATIA 3:26

Ngiapâna vâta, nama zydua ta Krista Zisu liata Khazohpa sawzy nama châ.

KALATIA 4:6

Sawchapaw nama châpa vâta Khazohpa ta a Sawchapawpa Thlahpa cha eima palôh chhôh liata za tuah ta, “Abba! Ei Paw!” tahpa ta a aw tyh.

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

KAOLAOSÂ 3:4

Krista eima hrona cha â vaw luah tita, nâmo chhao ano hnohta rônahpa ta namâ luah hra aw.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

2 PITY 1:4

Chatanachata a bietai sôh ngaitapa nata rônah ngaitapazy miah pie ta, chazy zawhzi ta moleina aohraohna vâta khizaw liata paraona a ypa cha a râsaipa ta, Khazohpa nôchâ a hlytuhpazy nama vaw châ haw.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

1 ZAWHÂNA 2:7

Kho ngaitapa saih u, biepie thiehpa nâmo lâ vaw roh leipa na ta, biepie parohpa, kha hlâ tawhta nama hneipa kha tlao ei vaw roh. Cha biepie parohpa cha, bie nama thei hapa kha a châ.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:21

Kho ngaitapa saih u, eima palôh ta thailei miah a pachâsa leipa khiahta cha, Khazohpa liata alôhna eima hnei tahna a châ.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

BIEPHUAH 2:28

Deiva awhsi cha ano ei pie aw.

BIEPHUAH 22:4

A hmia hmô aw ei ta, ama khi liata a moh â choh aw.