1 ZAWHÂNA 2:8 - Mara Bible RV (BSI)

⁸ Kao kha lâ tawhta la, biepie thiehpa nâmo lâ a vaw rohpa ei châna kao a y. Cha cha ano liata nata nâmo liata â do, zohna cha lei hai ta, khaihna hmeiseihpa a vaw khaih hapa vâta.

1 ZAWHÂNA 2:8 ပူးပေါင်းရင်းမြစ်များ

HLAZY 27:1

Abeipa cha ei khaihna nata ei pachhana châ ta, Ahy ei chi aw? Abeipa cha ei hrona thokhy châ ta, Ahy ei chi aw?

HLAZY 36:9

Nâma liata hrona hnawh y ta, Na khaihna liata khaihna eima hmô.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

ISAI 9:2

Zohna liata a chareipa phopi ta, Khaihna rônahpa hmô ei ta; Thina nohpahli râh liata a pahrâpazy chô liata, Khaihna a vaw khaih haw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MATHAI 4:16

Zohna liata a tyuhpazy ta Khaihna rônahpa ama hmô haw; Thina nohpahli râh liata atyuhpazy chô liata, Khaihpa a vaw khaih haw,” tahpa ta a reipa kha a vaw tlô thei nawpa ta a châ.

LUKA 1:79

Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

ZAWHÂNA 1:9

Khaihna hmeiseihpa, chyhsa to a pakhaihpa cha khizaw lâ a zu ta.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 12:46

Khizaw pakhaihsa awpa ta a vypa ei châ, ahy rai nâ ngiapâpa cha zohna liata a y lei nawpa ta.

ZAWHÂNA 13:34

Biepiepa thiehpa ei cha pie ei, kyh a pachâ raihrie teh u. Kei ta kyh ei pachâpa hawh ei ta, nâmo chhao kyh a pachâ raihrie teh u.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HMOTAOPAZY 17:30

Pahno leina daihtizy kha cha Khazohpa ta pahno lei â pachâ tyh, tahmâ deikua cha su to liata chyhsa zydua ro awpa ta bie a pie haw.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 13:12

Zâ he chhâ daihmâ ta, khih a deih daihmâ. Chavâta zohna hmotaopa zydua thy sih la, khaihna chhaichhi ta a tobi suh u.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

2 TIMAWTHY 1:10

Cha ngiachhiena cha miah Pachhatuhpa Krista Zisu â vaw luahna liata tahmâ palâsapa ta a y haw. Krista cha thina pahlei ta, thâtihpha vâta hrona nata thi thei leina a vaw tlôkheituhpa a châ.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

1 ZAWHÂNA 3:23

A biepipa cha he he a châ: A Sawchapawpa Zisu Krista moh a ngiapâ ta, bie miah a piepa hawhta kyh a pachâ raihriepa he a châ.

1 ZAWHÂNA 4:11

Kho ngaitapa saih u, Khazohpa ta cha tlatlu ta kyh miah a pachâ khiahta cha, keimo chhao kyh eimâ pachâ raihrie awpa a châ.

1 ZAWHÂNA 4:21

He biepiepa he Khazohpa tawhta eima daopa a châ: Khazohpa kyh a pachâpa cha, a unawhpa chhao kyhpachâ hra mawh sy.