1 ZAWHÂNA 2:7 - Mara Bible RV (BSI)

⁷ Kho ngaitapa saih u, biepie thiehpa nâmo lâ vaw roh leipa na ta, biepie parohpa, kha hlâ tawhta nama hneipa kha tlao ei vaw roh. Cha biepie parohpa cha, bie nama thei hapa kha a châ.

1 ZAWHÂNA 2:7 ပူးပေါင်းရင်းမြစ်များ

THEIHTHAINA 19:18

Phuh na la awpa châ vei. Na chiheihzy chhyh thai leipa ta na y awpa châ leipa ta, nâma kyh nâ pachâpa hawhta na vaih kyh na pachâ awpa a châ. Kei he Abeipa ei châ.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

MATHAI 5:43

“‘Na vaih kyhpachâ la, na chariahpa a hao mah y,’ ama tahpa nama pahno.

ZAWHÂNA 13:34

Biepiepa thiehpa ei cha pie ei, kyh a pachâ raihrie teh u. Kei ta kyh ei pachâpa hawh ei ta, nâmo chhao kyh a pachâ raihrie teh u.

HMOTAOPAZY 17:19

Pawla cha a chhi ei ta, Areôpaku lâ vawkhei ei ta, a hnohta, “He pachuna thiehpa na rei tyhpa he khâpa ma a châ tahpa miah na chho thei aw ma?

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

HEBRAI 6:9

Châhrasala kho ngaitapa saih u, cha hawhta reih hra sih la, nâmo kyh liata la, hmo pha viapa, pachhana kyh hmozy nama tao aw tahpa eimâ lôh.

1 ZAWHÂNA 2:24

Nâmo la, âthaona tawhta nama pahnopa kha, nama palôh liata y thlâh ha mawh sy. Âthaona tawhta nama pahnopa kha nama palôh liata a y thlâh ha khiahta cha, nâmo chhao Sawchapawpa nata Paw liata nama y thlâh ha aw.

1 ZAWHÂNA 3:11

He he âthaona tawhta bietapa nama theipa kha a châ: Kyh eimâ pachâ raihrie awpa a châ tahpa hih.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

1 ZAWHÂNA 3:21

Kho ngaitapa saih u, eima palôh ta thailei miah a pachâsa leipa khiahta cha, Khazohpa liata alôhna eima hnei tahna a châ.

1 ZAWHÂNA 3:23

A biepipa cha he he a châ: A Sawchapawpa Zisu Krista moh a ngiapâ ta, bie miah a piepa hawhta kyh a pachâ raihriepa he a châ.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

1 ZAWHÂNA 4:11

Kho ngaitapa saih u, Khazohpa ta cha tlatlu ta kyh miah a pachâ khiahta cha, keimo chhao kyh eimâ pachâ raihrie awpa a châ.

1 ZAWHÂNA 4:21

He biepiepa he Khazohpa tawhta eima daopa a châ: Khazohpa kyh a pachâpa cha, a unawhpa chhao kyhpachâ hra mawh sy.

1 ZAWHÂNA 4:7

Kho ngaitapa saih u, kyh a pachâ raihrie ei suh u. Kyhpachâna cha Khazohpa tawhta a puapa châ ta, kyhpachâna a hneipa maih Khazohpa sapa châ ei ta, Khazohpa a pahnopa ama châ.