1 ZAWHÂNA 2:5 - Mara Bible RV (BSI)

⁵ A bie a zyhpa deikua cha, Khazohpa kyhpachâna cha ano liata a paki hmeiseihpa a châ. He liana heta ano liata eima y tahpa eima pahno:

1 ZAWHÂNA 2:5 ပူးပေါင်းရင်းမြစ်များ

HLAZY 105:45

Chatanachata a bieraopazy a vao aw ei ta, A ryhpazy ama zyh lymâ aw. Abeipa cha reithai teh u!

HLAZY 106:3

Adona a duakheipazy cha nohlao ei ta, Khatino rai ta a siapa ta hmo a taopazy ama nohlao tyh.

HLAZY 119:146

Cha pado na ta, Na pachha mah y; Na bieraopazy cha ei zyh lymâ aw.

HLAZY 119:2

A bieraopazy a zyhtuhpazy cha nohlao ei ta, Pathipalôh tlokhuh ta ano a tluapazy cha ama nohlao na.

HLAZY 119:4

Na pachuna biezy papua chi ta, A phapa ta zyh awpa ta bie na pie.

BIESOZY 28:7

Ryhpa a zyhpa cha sawchapaw sopa châ ta, Azohpazy viasa deikua cha a paw no a paza tyh.

BIESOZY 8:32

“Chavâta sawchapawzy saih u, Tahmâ na nathlie teh u: Ei lâpi a chhihpazy cha ama hu â hieh aw.

BIECHHOTUHPA 8:5

Biepiepa a zyhpa cha pasa tao aw vei. Palôh sopa cha a daihti pahno thai ta, taozie dopa chhao a pahno.

EZEKIA 36:27

Nama chhôh liata ei Thlahpa soh aw na ta, ei bieraopazy a chhih awpa nata ei biepiepazy zyh awpa ta ei cha tao aw ei.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

ZAWHÂNA 14:21

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 15:5

Kei kre zôh châ na ta, nâmo a chiahzy nama châ. Ahy rai keima liata y thlâh ha ta, kei chhao ano liata ei y thlâh hana chyhsa cha thei hluhpi a pathei tyh. Keima leipa ta khâpa hmah tao thei veih ei chi.

ZAWHÂNA 6:56

Ahy rai ei sapa nie ta, ei thisaih a dohpa cha, keima liata a y thlâh ha tyh, kei chhao ano liata ei y thlâh ha tyh.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

ZÂMIE 2:22

 ngiapâna cha a hmotaopa nata hria khoh ta, ngiapâna cha hmotaopa ta a paki tahpa na hmô.

1 ZAWHÂNA 3:24

A biepiepazy a zyhpa cha Khazohpa liata y ta, Khazohpa chhao ano liata a y. Thlahpa miah a piepa liana heta, Khazohpa cha keimo liata a y tahpa eima pahno.

1 ZAWHÂNA 4:17

Cha hawhna chata kyhpachâna cha keimo liata pakipa ta y ta, he khizaw liata ano lyupa ta eima ypa vâta, ryureina noh châta thlalôhna eima hnei thei haw.

1 ZAWHÂNA 4:18

Kyhpachâna liata la china rai y vei. Kyhpachâna pakipa ta china a papai tyh. Hriena a ypa vâta china y ta, china a hnei thlâh chypazy cha, kyhpachâna liata pakipa ta y mâh veih ei.

1 ZAWHÂNA 5:2

Khazohpa kyhpachâ pi ta, a biepiepazy eima zyhpa liana heta, Khazohpa sawzy kyh eima pachâ tahpa eima pahno.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

2 ZAWHÂNA 1:6

He he kyhpachâna cha a châ, a biepiepazy eima zyhpa hih. Kyh a pachâ raihrie awpa cha athaohta tawhta nama theipa nata nama zyh awpa ta biepiepa a châ.

BIEPHUAH 12:17

Chavâta drâkao cha chanô chô liata a hiehâh ngaita ta, chanô pathla laibâhpa, Khazohpa biepiepazy a zyhpa nata Zisu bie a pyhpazy a dyuh awpa ta pua ta.

BIEPHUAH 14:12

Cha chata mopathaihpa, Khazohpa biepiepazy nata Zisu angiapâna bie a zyhtuhpazy cha tao hualua awpa a byuhzie a palâsa.