1 ZAWHÂNA 2:29 - Mara Bible RV (BSI)

²⁹ Ano cha mosiapa a châ tahpa nama pahno khiahta cha, siana a hrokheipa maih cha ano sapa a châ tahpa nama pahno aw.

1 ZAWHÂNA 2:29 ပူးပေါင်းရင်းမြစ်များ

ZEREMIAH 13:23

Kusi chyhsa ta a vo panano thei aw ma? Keichhoh ta a chei a panano thei aw ma? Cha hawhna hra chata, Nâmo, hmo chhiepa taopa liata nama tlai a châ hapazy chhao, Hmo phapa tao thei aw veih ei chi.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

ZAWHÂNA 1:13

Cha chyhsazy cha thisaih ta sapa châ leipa ei ta, sapa khozie ta sapa châ hra leipa ei ta, chyhsapa khozie ta sapa châ veih ei. Khazohpa ta a sapazy ama châ.

ZAWHÂNA 7:18

Ano tao chhyhpa bie a reihpa cha ano rônahna a tluapa a châ. A tuahtuhpa rônahna a tluapa deikua cha, chyhsa dopa châ ta, ano liata adoleina rai y vei.

HMOTAOPAZY 10:35

Phopi to hry liata ahy rai ano a chipa nata hmo dopa a taopa maih cha Khazohpa ta â ly khai ei.

HMOTAOPAZY 22:14

Anania ta, ‘Miah pathlatuhpazy Khazohpa ta a khopa pahno awpa nata Mo Siapa hmô ta, a pakah tawhta ao thei awpa ta a cha rao.

HMOTAOPAZY 3:14

Mopathaihpa nata Mosiapa kha dytha ei chi ta, lianycheihpa kha cha papuapa awpa ei ta tlao namâ haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

HEBRAI 7:2

Abarahâ ta a hraona sôh zydua tawhta su hrawh su kha a hnohta a pie. Melkizade cha a moh yzie tawhta siana bei châ tua ta, hnôhlâ ta Salem bei tahpa a châ. Salem bei tahpa cha adyhna bei tahna a châ.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 1:23

Chi rao theipa liata pihpathipa châ leipa ei chi ta, chi rao thei leipa, Khazohpa bie hroh thlâhpa nata a y thlâh hapa liata a pihpathipazy nama châ.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

2 PITY 1:4

Chatanachata a bietai sôh ngaitapa nata rônah ngaitapazy miah pie ta, chazy zawhzi ta moleina aohraohna vâta khizaw liata paraona a ypa cha a râsaipa ta, Khazohpa nôchâ a hlytuhpazy nama vaw châ haw.

1 ZAWHÂNA 2:1

Ei saw saih u, nama molei lei nawpa ta, he biezy he nâmo lâ ei vaw roh. Chatanachôta chyhsa ta a molei khiahta cha, Paw lâta miah reikheituhpa mosiapa Zisu Krista eima hnei.

1 ZAWHÂNA 3:5

Krista cha moleinazy siekhei awpa ta â vaw luah tahpa nama pahno. Ano liata la moleina rai y vei.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.

1 ZAWHÂNA 4:7

Kho ngaitapa saih u, kyh a pachâ raihrie ei suh u. Kyhpachâna cha Khazohpa tawhta a puapa châ ta, kyhpachâna a hneipa maih Khazohpa sapa châ ei ta, Khazohpa a pahnopa ama châ.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

1 ZAWHÂNA 5:18

Khazohpa sapa maihta molei ngâ thlâh ha veih ei tahpa eima pahno. Khazohpa sapa a châna ta ano cha hrôbieh ta, Sâtâ ta hria thei vei.

1 ZAWHÂNA 5:4

Khazohpa sapa maihta khizaw ama tiah tyh. He he khizaw pahniepa ta eima tiahna cha a châ, eimâ ngiapâna hih.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.