1 ZAWHÂNA 2:26 - Mara Bible RV (BSI)

²⁶ Cha paviasa a chhuahpazy vâta, chazy cha nâmo lâ ei vaw roh.

1 ZAWHÂNA 2:26 ပူးပေါင်းရင်းမြစ်များ

BIESOZY 12:26

Mosiapa cha a vaih châta chhituhpa châ ta, Moleipa lâpi deikua cha ama paviana a châ.

EZEKIA 13:10

Thlalôhna a y leipa tlai ta, ‘Thlalôh â chhih na,’ tahpa ta, hrohsopazy ta ei phopi a chhi chhei ei ta, râhsawzy ta thokhy dadiehpa ama taopa cha hlyu râhpa hnia ei ta ama chhiehruh.

MÂKA 13:22

Mesia pakheipazy nata hrohso pakheipazy vaw pua aw ei ta, ngiana nata hmonoâhpazy ama tao aw. Tao theipa châ sala, atlyhpazy taih ama dôvei aw.

KAOLAOSÂ 2:18

Ahy hmahta areisina pakheipa nata vâlyuhchâpazy achhyna a duakheipa ta, nama lymâ hmô thei lei awpa ta cha tao khah ei sy. Cha hawpa chyhsa cha aluahna a hmôpazy kyh â kichopa ta reih tyh ta, a chhâpa y leipa ta sapa palôh ta thata â palai tyh.

KAOLAOSÂ 2:8

Ahy hmahta Krista bie hawhta châ leipa ta, chyhsapa taozietyhpa nata khizaw siezie hawhta ama châ chhi lei nawpa nata, ama thaisona nata dôveina ruapa hmâpa ta ama cha parao lei nawpa ta, a hrohrua teh u.

1 TIMAWTHY 4:1

Hmialâ daihti vaw tlô awpa liata cha, chyhsa thokhazy ta dôveina thlahpa nata ahripazy pachuna bie zopa ta, ngiapâna ama bâhsai aw tahpa Thlahpa ta a siapa ta a reih.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.

2 ZAWHÂNA 1:7

Dôveituhpa hluhpi khizaw liata ama vaw pua haw. Âmo cha Zisu Krista sapa ta â vypa a pyh leipazy ama châ. Cha hawhpa chyhsazy cha dôveituhpa nata Krista dyuhtuhpazy ama châ.