1 ZAWHÂNA 2:22 - Mara Bible RV (BSI)

²² Zisu cha Krista a châ tahpa a pyh leipa hleikhô ta a haihpa ahy ma a y? Paw nata Sawchapawpa a pyh leipa cha Krista dyuhtuhpa a châ.

1 ZAWHÂNA 2:22 ပူးပေါင်းရင်းမြစ်များ

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 24:5

Chyhsa hluhpi ei moh ta a vy aw ei ta, ‘Mesia ei châ,’ tahpa ta, chyhsa hluhpi ama dôvei aw.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

1 ZAWHÂNA 1:6

Zohna liata y thlâh ha tlôhpa ta ano ei kao eima tah khiahta cha, haipa bie eima reih, biehmeiseihpa liata hroh ma pi.

1 ZAWHÂNA 2:18

Sawzy saih u, daihti hnôhchaipa a châ haw. Krista dyuhtuhpa â vy aw tahpa nama theipa hawhna khata, tahmâ chhao Krista dyuhtuhpa hluhpi ama vaw pua haw. Chavâta daihti hnôhchaipa a châ haw tahpa eima pahno.

1 ZAWHÂNA 2:23

Sawchapawpa a pyh leipa cha Paw hnei vei. Sawchapawpa a pyhpa cha Paw chhao a hnei.

1 ZAWHÂNA 2:4

A biepiepazy zyh tlôh leipa ta, “Ano ei pahno,” a tahtuhpa cha a haihpa a châ. Biehmeiseihpa ano liata y vei.

1 ZAWHÂNA 4:20

Chyhsa ta, “Khazohpa kyh ei pachâ,” tah sala, a unawhpa â hao tlôh khiahta cha, a haihpa a châ. A unawhpa a hmô thlâh hapa hmahta kyh a pachâ vei khiahta cha, a hmô leipa Khazohpa chhochhi cha kheihta ma kyh a pachâ thei aw?

1 ZAWHÂNA 4:3

Zisu a châhkhei leipa thlahpa maih cha Khazohpa tawhta châ vei. Cha cha Krista dyuhtuhpa thlahpa, a vy awpa nama theipa nata tahmâ chhao khizaw liata a y hapa he a châ.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

2 ZAWHÂNA 1:7

Dôveituhpa hluhpi khizaw liata ama vaw pua haw. Âmo cha Zisu Krista sapa ta â vypa a pyh leipazy ama châ. Cha hawhpa chyhsazy cha dôveituhpa nata Krista dyuhtuhpazy ama châ.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.