1 ZAWHÂNA 2:20 - Mara Bible RV (BSI)

²⁰ Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.

1 ZAWHÂNA 2:20 ပူးပေါင်းရင်းမြစ်များ

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HLAZY 23:5

Ei khakhaipazy mohmô ta, Ei hmiakô liata tlâhkhai nâ chhuahdy chi ta, Ei luh he sathaw thu chi ta, Ei nyu chhao a khô pathlah.

HLAZY 45:7

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HLAZY 71:22

Na ngâchhihna vâta, Hy Khazohpa, Totâ ta cha reithai aw na ta; Hy Izarei Mo Pathaihpa, Tlaipih ta cha reithaipa ta ei sa aw.

HLAZY 92:10

Keima ki deikua cha, Chaoliah tôhpa ki hawhta cheihchalo chi ta, Sathaw thiehpa eina thu chi.

BIESOZY 28:5

Chyhsa chhiepazy cha adona kyh ama novâh leipa ta, Abeipa a tluatuhpazy deikua cha adona kyh liata tlokhuh ama no a vâh.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

THEIHTHAINA 7:35

Cha cha Abeipa châta theihthaipa chakaona rai hria awpa ta, Arawna nata a sawchapawzy raopa ama châ noh tawhta, Abeipa lâta mei ta hmohlâpazy tawhta ama tovyuh châta panano eihpa a châ.

MATHAI 13:11

Zisu ta âmo cha a chhy ta, ama hnohta, “Nâmo cha vârâh khinarâh bieparuzy pahno awpa ta piepa châ ei chi ta, âmo deikua cha piepa châ veih ei.

MÂKA 1:24

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Khazohpa Chyhsa Pathaihpa na châ tahpa ei pahno,” tah ta.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

LUKA 4:34

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Ahy ma na châ tahpa ei cha pahno, Khazohpa Mopathaihpa na châ,” tahpa ta awh ta.

ZAWHÂNA 14:26

Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

ZAWHÂNA 16:13

Biehmeiseihpa Thlahpa a vaw tlô tita, biehmeiseihpa zydua liata a châ chhi aw ei. Ano biehneina ta bie reih leipa aw ta, bie a theipa maih a cha chho aw ei. Hmo a vaw tlô awpazy chhao a cha pahnosa aw ei.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 3:14

Mopathaihpa nata Mosiapa kha dytha ei chi ta, lianycheihpa kha cha papuapa awpa ei ta tlao namâ haw.

1 KAWRINI 2:15

Thlahpa chyhsa deikua cha, hmo to pahno pasia ta, ano cha sei thei awpa châ vei.

HEBRAI 1:9

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HEBRAI 8:11

‘Abeipa pahno teh,’ tahpa ta, Vaih nata vaih a pachu raihrie khao leipa aw ei ta, Unawh nata unawh a pachu raihrie khao aw veih ei; A chyh chaipa tawhta a lai chaipa taihta, Ama zydua ta eina pahno khai aw ei.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

1 ZAWHÂNA 4:13

A Thlahpa miah a piepa liana heta, ano liata y pi ta, ano chhao keimo liata a y tahpa eima pahno.

ZUDÂH 1:5

Nama pahno chiehpa a châ tarawpa ta, he bie he ei cha chho chanei khoh heih ei. Phopi miakha cha Zisu ta Izi râh tawhta pachha papua ta, a hnôhlâ ta a ngiapâleipazy a pahleipadia lilaw ei.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.