1 ZAWHÂNA 2:18 - Mara Bible RV (BSI)

¹⁸ Sawzy saih u, daihti hnôhchaipa a châ haw. Krista dyuhtuhpa â vy aw tahpa nama theipa hawhna khata, tahmâ chhao Krista dyuhtuhpa hluhpi ama vaw pua haw. Chavâta daihti hnôhchaipa a châ haw tahpa eima pahno.

1 ZAWHÂNA 2:18 ပူးပေါင်းရင်းမြစ်များ

MATHAI 24:11

Hrohso pakheipa hluhpi vaw pua aw ei ta, chyhsa hluhpi ama dôvei aw.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 24:5

Chyhsa hluhpi ei moh ta a vy aw ei ta, ‘Mesia ei châ,’ tahpa ta, chyhsa hluhpi ama dôvei aw.

MÂKA 13:6

Chyhsa hluhpi ta, ‘Krista ei châ,’ tahpa ta ei moh ta a vy aw ei ta, chyhsa hluhpi ama dôvei aw.

ZAWHÂNA 21:5

Zisu ta ama hnohta, “Viasa saih u, ngasa a chyhta chhâ nama hnei ma?” tah ta. Âmo ta a chhy ei ta, “Hnei ma pi,” tah ei ta.

RAWMA 13:11

Tahmâhlâ hmo yzie pahno ei chi ta, amôpa thyu â daih haw tahpa nama pahnopa vâta cha cha ei reih. Tahmâ cha eimâ ngiapâ tua no hlâta eima pachhana a hnia via ha tlôh ta.

RAWMA 13:12

Zâ he chhâ daihmâ ta, khih a deih daihmâ. Chavâta zohna hmotaopa zydua thy sih la, khaihna chhaichhi ta a tobi suh u.

HEBRAI 1:2

he noh hnôhchaipazy lia deikua cha, a Sawchapawpa hmâpa ta eima hnohta bie a reih. A Sawchapawpa cha ato ryutotuhpa ta rao ta, ano hmâpa ta khizaw he a tao.

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

2 PITY 3:3

He he pahno tua awpa a byuh. Daihti chhâna nohzy liata cha, mohnaotuhpazy ta ama moleina hmo khopazy chadaipa ta, chyhsazy mohnaona chôta a vy aw ei ta,

1 ZAWHÂNA 2:22

Zisu cha Krista a châ tahpa a pyh leipa hleikhô ta a haihpa ahy ma a y? Paw nata Sawchapawpa a pyh leipa cha Krista dyuhtuhpa a châ.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

1 ZAWHÂNA 4:3

Zisu a châhkhei leipa thlahpa maih cha Khazohpa tawhta châ vei. Cha cha Krista dyuhtuhpa thlahpa, a vy awpa nama theipa nata tahmâ chhao khizaw liata a y hapa he a châ.

2 ZAWHÂNA 1:7

Dôveituhpa hluhpi khizaw liata ama vaw pua haw. Âmo cha Zisu Krista sapa ta â vypa a pyh leipazy ama châ. Cha hawhpa chyhsazy cha dôveituhpa nata Krista dyuhtuhpazy ama châ.

ZUDÂH 1:18

Lyuhchâpazy ta, “Daihti hnôhchaipa liata cha, pasipasawh a hmâhpa, Khazohpa uasa leipa ta ama aohraohnazy a chadaipa ama y aw,” tahpa ta ama cha vaw chho haw.