1 ZAWHÂNA 2:17 - Mara Bible RV (BSI)

¹⁷ Khizaw he a aohraohna chhaota a leidia hai. Khazohpa khopa a taotuhpa deikua cha, chhâzaw ta a y thlâh ha aw.

1 ZAWHÂNA 2:17 ပူးပေါင်းရင်းမြစ်များ

HLAZY 102:26

Chazy cha leidia aw ei ta, Chysia hawhta ama chy khai aw; Poh hawhta ri aw chi ta, Thypa ama châ aw; Nâ deikua cha na y thlâh ha aw.

HLAZY 143:10

Ei Khazohpa na châpa vâta, Na khopa tao awpa ta na pachu mah y! Na Thlahpa phapa ta, Lâpi patlâpa liata nâ chhi mawh sy!

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

HLAZY 90:9

Na pathiiana ry liata eima noh zydua lei ta, Ahrôna ta eima kôzy eima pachhâ tyh.

BIESOZY 10:25

Khisô vaw pathli ta, Moleipa y khao leipa ta, Mosiapa deikua cha chhâzaw lôbô a châ.

MATHAI 21:31

Cha pano liata ahy ma a paw khopa a tao?” tah ta. Âmo ta, “A hmiatuapa,” tah ei ta. Zisu ta ama hnohta, “Hmeiseihta ta ei cha chho ei, chhiekheituhpazy nata âzuahnôzy ta Khazohpa khinarâh ama châ ngia khâh aw.

MATHAI 24:35

Lei nata vâ a lei aw, ei biezy deikua lei aw vei.

MATHAI 7:21

“ ‘Abeipa, Abeipa,’ nâ tahpa maihta, vârâh khinarâh a ngia leipa aw ei ta, ei Paw vârâh liata a ypa khopa a taotuhpa deita ta â ngia aw.

MÂKA 3:35

Ahy rai Khazohpa khopa a taopa maih, chazy tlai cha ei unawhzy, ei sietanôzy, ei nôzy ama châ,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 6:58

He he vârâh tawhta viahchhâ za chôpa a châ. Pathlatuhpazy ta nie ei ta, ama thi pylypa viahchhâ hawhpa kha châ vei. He viahchhâ a niepa cha chhâzaw ta a hroh aw,” tah ta.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

1 KAWRINI 7:31

Khizaw hmo liata â hmâhpazy chhao, â hmâh leipa hawhta y mawh ei sy. Khizaw yzie he a leidia hai.

KAOLAOSÂ 1:9

Cha vâna chata, nama thâtih eima thei noh tawhta, nâmo châta thlahchhâ bâh beih ma pi. Thlahpa lâ sona nata novâhna zydua hneipa ta, ano khopa pahnona ta pabiepa nama châ thei nawpa ta, eima cha hiapa tyh.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

1 THYSALAWNIKA 4:3

Nama pathaih awpa he Khazohpa khozie a châ. Apatlana moleina bâhsai ha muh vy.

1 THYSALAWNIKA 5:18

kyh to liata alyna bie reih teh u. Cha cha nama châta Krista Zisu liata Khazohpa khozie a châ.

HEBRAI 10:36

Khazohpa khopa nama tao khai tawhta, bietaipa nama hmô thei nawpa ta, daotheina namâ ngiahpa rai a châ.

ZÂMIE 4:14

mylâ khâpa hmo ma a y aw tahpa pahno tlôh ei chi va. Nama hrona cha khâpa ma a châ? Tihu buakha a vaw lâ ta, a lei heihpa hawh dei mah nama châ tâh.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

1 PITY 4:2

Chatanachata sapa ta nama hro chhôh zydua chyhsapa aohraohnazy liata hroh khao leipa aw ei chi ta, Khazohpa khozie hawhta nama hroh thei aw.