1 ZAWHÂNA 2:16 - Mara Bible RV (BSI)

¹⁶ Khizaw liata hmo a ypa zydua, sapa aohraohna, mokhaoh aohraohna nata hro chhôh hneirôna a palaikheina zy he Paw tawhta a puapa châ leipa ta, khizaw tawhta a puapa a châ.

1 ZAWHÂNA 2:16 ပူးပေါင်းရင်းမြစ်များ

ÂTHAONA 3:6

Chanô ta tho theipa cha moh ta, nie awpa châta phapa nata mo la ngaitapa a châpa ta hmô ta, sona hnei thei nawpa tho thei hiatlia chhihpa a châzie a pahno nahta, a thei cha lyu ta, nie ta, a hnohta a ypa a vahpa chhao pie ta, ano chhao nie hra ta.

ÂTHAONA 6:2

Khazohpa sawchapawzy ta chyhsapa sawchanôzy cha chhithai tah kaw ei ta, ama khopa chyu lapinô ta hnei ei ta.

ZAWBÂ 31:1

“Ei mo châta biehrai tao ha na ta, Kheihta ma laihsa kôpa cha ei moh thei aw?

HLAZY 73:6

Chavâta apalaina cha ama pachhih châ ta, Nôchhiena chysia amâ tobi.

HLAZY 78:18

Ama palôh ta Khazohpa pasia ei ta, Ama aohkhopa pati amâ hnaw.

HLAZY 78:30

Châhrasala ama aoh lôhrâ tlô hlâta, Ama pakahzy liata pati a y thlâh chy nota,

BIESOZY 27:20

Athihkhih nata Chhokhih zy ta â daih tahpa ama hnei leipa hawhta, Chyhsapa mo ta â dai tahna rai hnei vei.

BIESOZY 6:25

A chhithaina cha na palôh ta tlaichhai leipa sala, A mopadei ta a cha patu awpa a pasaih khah y.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

MALUHREINA 11:34

Chavâta cha su moh cha Kibarôhâtavâ bipa a châ, chyhsa zohpazy cha liata pabupa ama châpa vâta.

MALUHREINA 11:4

Ama hnohta a sie hrapa chihropazy ta sa nie khona thata vaw hnei ei ta. Izarei mo chhao cha sa vâpa ta cha ei ta, “Sa eima nie byuh rimâ cha!

MATHAI 4:8

Ahripa ta tlâh sâh ngaitapa lâ a chhi heih ta, khizaw khinarâh zydua nata ama rônahna zydua pamosa ta.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

LUKA 4:5

Ahripa ta tlâh lâ khykhei ta, movi hlâta khizaw khinarâh zydua pahmô ta,

RAWMA 13:14

Abeipa Zisu Krista ta tlao a tobi u la, nama sapa khopa pipatlohsa nawpa ta khâpa hmah tao khuh vy.

1 KAWRINI 10:6

Hmo moleipa ama khohpa hawhta eima khoh hra lei nawpa ta, cha hmozy cha keimo châta pamosana a châ.

KALATIA 5:17

Sapa khona ta Thlahpa a dyuh ta, Thlahpa khona ta sapa â dyuh. Nama tao khohpa hmozy nama tao thei lei nawpa ta, sapa nata Thlahpa cha amâ dyuh tyh.

KALATIA 5:24

Krista Zisu liata a ypazy ta sapa cha a aohraohna nata a khonazy chhaota ama khaipâ haw.

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

TITU 2:12

Cha chata Khazohpa pachâ leina nata khizaw aohraohnazy bâhsaipa ta, tahmâhlâ khizaw liana heta asohsipa nata asiapa nata Khazohpa pachâna hro hrokhei awpa ta miah pachu ta,

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

ZÂMIE 3:15

Cha sona cha chô lâ tawhta a za tlôpa sona châ leipa ta, khizaw sona châ ta, thlahpa tawhta châ leipa ta, ahripa tawhtapa tlao a châ.

ZÂMIE 4:16

Châhrasala a pasâhsapa ta, a palai ei chi ta, cha hawhpa apalaina zydua cha moleina a châ.

ZAWSUA 7:21

Hraona sôhzy hry liata Sinâ poh pha ngaitapa nata tâkâ sekel za no nata ngôh tlo sekel sypangawh a hripa hmô na ta, ei hia na tlia ngaita ta, ei vaw la haw. Ei poh o chhôh liata alei ry liata nyu na ta, a ry chai liata tâkâ a y,” tah ta.

1 PITY 1:14

Saw phapazy hawhta y u la, kha hlâta nama pahno lei nota nama aohraohnazy hawh khata y khao khuh vy.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.

2 PITY 2:10

Sapa aohraohna lôhrâ a patlô tyhpa nata biehneina a mohnaopazy hrie nawpa chhochhi a pahno via pachai. Hru riahphapazy châ ei ta, a palai ngaita ei ta, vâ liata rônahpazy reipachhie awpa hmah a chi leipazy ama châ.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.