1 ZAWHÂNA 2:10 - Mara Bible RV (BSI)

¹⁰ A unawhpa kyh a pachâtuhpa cha khaihna liata a ypa châ ta, a hluah aw vei.

1 ZAWHÂNA 2:10 ပူးပေါင်းရင်းမြစ်များ

HLAZY 119:165

Na ryhpa a pasôtuhpazy cha, Thlalôhna ipa hnei ei ta, Khâpa ta hmah papao thei aw veih ei.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

MATHAI 13:21

châhrasala ano liata thari a thla leipa vâta, bohpi leipa dei y thei ta, bie vâta rietheipasana tlyma, taolana tlyma a vaw y nahta, thlai a pao ha tyh.

MATHAI 18:7

“Molei reipasaonazy vâta khizaw he a hu a po kaw dia! Reipasaona cha a y awpa tlai châ ta, châhrasala reipasaona a paysatuhpa cha a hu a po na!

ZAWHÂNA 11:9

Zisu ta a chhy ta, “Noh kha ta dawh hrawh hleino y vei ma? Noh y chhôh ta a chareipa chyhsa cha, he khizaw khaihpa he a hmôpa vâta, a chapia aw vei.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 8:31

Chatawhcha Zisu ta ngiapâtuhpa Zuzy hnohta, “Ei bie liata nama y thlâh ha khiahta cha, ei pachupa dopazy nama châ aw.

RAWMA 14:13

Chavâta a sei raihrie khao leipa ta, unawhpa lâpi liata achapiana lô tlyma, pakhâna tlyma, sokhâh lei awpa a chhuah ei suh u.

PHILIPI 1:10

Chatanachata hmo pha chaipa pahnopa ta, Krista noh châta pathaihpa nata seina hnei leipa ta y aw ei chi ta,

2 PITY 1:10

Chavâta unawh saih u, a cha awna ei nata a châ tlyhna ei cha, pa-i awpa ta tiama papua rili teh u. Chazy nama tao khiahta cha pao beih aw veih ei chi.

1 ZAWHÂNA 2:11

A unawhpa, a haotuhpa deikua cha zohna liata y ta, zohna liata a charei. Zohna ta a mo a pachaosapa vâta khataih lâ ma a sie tahpa chhao pahno vei.

1 ZAWHÂNA 3:14

Unawhzy kyh eima pachâpa vâta thina tawhta pua pi ta, hrona liata eimâ ngia haw tahpa eima pahno. Ahy rai kyhpachâna a hnei leipa cha thina liata a y thlâh haw.