1 ZAWHÂNA 1:7 - Mara Bible RV (BSI)

⁷ Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.

1 ZAWHÂNA 1:7 ပူးပေါင်းရင်းမြစ်များ

HLAZY 104:2

Khaihna cha poh hawhta a bu chi ta, Avâzy khi poh o hawhta na parai.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

HLAZY 56:13

Khazohpa hmiakô liata chareipa ta, Hrona khaihpa liata charei awpa ta, Ei hrona he thina tawhta pachha chi ta, Ei pheizy he ahluana tawhta na pabohsa haw.

HLAZY 89:15

Thaphana pyu a theipa phopi cha a nohlao na, Hy Abeipa, âmo cha, Na hmia khaihna liata a chareipazy ama châ.

HLAZY 97:11

Mosiapa châta khaihna piepa châ ta, Palôh dopa châta alyna piepa a châ.

ISAI 2:5

Hy Zakaw pathlazy saih u, a vy u la, Abeipa khaihna liata charei ei suh u.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 6:7

Ei pakah na vaw hria ta, ei hnohta, “Moh teh, he heta na hmaozy hria ha ta, na thaileichâna siekheipa châ ta, na moleina a ngiahthaipa a châ haw,” tah ta.

AMÔSÂ 3:3

“Ama sie nawpa su a lyu leipa sala, Chyhsa pano ama sie khoh thei aw ma?

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

MATHAI 6:12

Eima chô liata hmo a paraopazy eimâ ngiahthaipa hawhta, Eima paraonazy miah ngiahthai mah y.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 5:4

Daihti raopa liata, Abeipa vâlyuhchâpa cha tipo lâ a zupa ta, ti cha chatlaosa tyh ta. Ti â chatlao khai tawhta tipo liata â ny tuachaipa cha, kheihawhpa pasana rai patlâhpa a châ tyh.

RAWMA 13:12

Zâ he chhâ daihmâ ta, khih a deih daihmâ. Chavâta zohna hmotaopa zydua thy sih la, khaihna chhaichhi ta a tobi suh u.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

1 PITY 1:19

mietakutaw seina hnei leipa nata apuapa a bai leipa thisaih hawhta Krista thisaih sôhpa ta chatlaipa nama châpa nama pahno.

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

1 ZAWHÂNA 1:5

He he ano tawhta bietapa eima theipa nata nama hnohta eima phuahpa cha a châ: Khazohpa cha khaihna châ ta, ano liata zohna rai y vei.

1 ZAWHÂNA 5:6

Zisu Krista cha ti nata thisaih ta a vypa châ ta, ti dei ta châ leipa ta, ti nata thisaih ta â vy. Thlahpa cha biehmeiseihpa a châpa vâta, Thlahpa ta ano cha a pahnokhei.

1 ZAWHÂNA 5:8

Chazy cha Thlahpa nata ti nata thisaih zy châ ei ta, ama pathôh ta amâ paraoh.

2 ZAWHÂNA 1:4

Paw ta bie miah a piepa hawhta, na saw thokhazy biehmeiseihpa liata ama ypa hmô na ta, eina palysa ngaita.

3 ZAWHÂNA 1:4

Ei sawzy bie hmeiseihpa liata ama y tahpa ei theipa hlâta nâ palysa viapa y vei.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.