1 ZAWHÂNA 1:2 - Mara Bible RV (BSI)

² Hrona cha a vaw luah ta, hmô pi ta, eima pahnokhei. Cha chhâzaw hrona, Paw hnohta a ypa cha eima hnohta a vaw luah ta, cha thâtih cha nama hnohta eima phuah.

1 ZAWHÂNA 1:2 ပူးပေါင်းရင်းမြစ်များ

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 1:4

Bie liata hrona y ta, cha hrona cha chyhsazy khaihna a châ.

ZAWHÂNA 10:28

Chhâzaw hrona pie ei na ta, leidia beih khao aw veih ei. Âmo cha ahy hmahta ei ku tawhta na chhu thei aw veih ei.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 15:27

Nâmo chhao, âthaona tawhta ei hnohta a ypa nama châpa vâta, nâ pahnokheituhpa nama châ aw.

ZAWHÂNA 16:28

Paw tawhta vaw pua ta, khizaw liata a vypa ei châ. Tahmâ khizaw siesaipa ta Paw lâ ei di heih aw,” tah ta.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 17:5

Hy ei Paw, khizaw y hlâta nâma liata rônahna ei hneipa khata tahmâ he na mohmô liata na parônahsa mah y.

ZAWHÂNA 19:35

Cha hmo cha, mo ta a hmôtuhpa cheingei ta a reipa a châ. A hmo pahnopa cha a do ta, biedopa a reihpa a châ tahpa chhao ano liata â pahno. Cha bie cha nâmo chhao ta namâ ngiapâ thei nawpa ta reipa a châ.

ZAWHÂNA 21:14

Cha cha athihpa hry tawhta a thyu heih tawhta, Zisu ta pachupazy hnohta â luahna ei thôhna a châ.

ZAWHÂNA 3:13

Vârâh tawhta za chôpa Chyhsa Sawchapawpa dei leipa ta cha, vârâh lâ ahy hmah kiah beih veih ei.

ZAWHÂNA 7:29

Kei deikua ta la ano cha ei pahno. Ano tawhta a vaw puapa châ na ta, ano ta a tuapa ei châ,” tah ta.

ZAWHÂNA 8:38

Kei ta ei Paw liata hmo ei hmôpa reih tyh na ta, nâmo chhao nama paw tawhta nama theipa nama tao tyh hra,” tah ta.

HMOTAOPAZY 1:22

Zawhâna ta bâti a pachâsana daihti tawhta Abeipa Zisu vârâh lâ a chhipa ta a y noh taihta eima hry liata a y lymâpa, chazy hry liata chyhsa pakha cha, a thyuheihna miah pahnokheituhpa châta a y awpa a châ,” tah ta.

HMOTAOPAZY 10:41

Chyhsa zydua hnohta a luah leipa ta, ano pahnokheituhpa châ awpa ta Khazohpa ta a raopa, athihpa hry tawhta a thyuheih tawhta a hnohta nie ta a dohpa, keimo hnoh deita ta â luah.

HMOTAOPAZY 2:32

Cha Zisu cha Khazohpa ta pathyu ta, keimo zydua he a pahnotuhpa eima châ.

HMOTAOPAZY 3:15

Hrona pietuhpa cha thie ei chi ta, châhrasala Khazohpa ta ano cha athihpa hry tawhta a pathyu haw. Cha cha a pahnotuhpazy eima châ.

HMOTAOPAZY 5:32

Keimo he cha hmozy a pahnotuhpa châ pi ta, a bie a zyhpazy hnohta Khazohpa ta a piepa Thlahpa Pathaihpa chhao ta a pahno hra,” tahpa ta a chhy ei ta.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

2 TIMAWTHY 1:10

Cha ngiachhiena cha miah Pachhatuhpa Krista Zisu â vaw luahna liata tahmâ palâsapa ta a y haw. Krista cha thina pahlei ta, thâtihpha vâta hrona nata thi thei leina a vaw tlôkheituhpa a châ.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

1 PITY 5:1

Nama hry liata Awnanopa chhituhpazy kha, kei, nama chhituh heihpa, Krista pasa taonazy a pahnotuhpa nata rônahna a vaw luah awpa a to hra awpa heta ei cha pasyu ei.

1 ZAWHÂNA 1:1

Hrona bie, âthaona liata a ypa, eima nah ta thei pi ta, eima mo ta eima hmôpa, moh thlâh ha pi ta, eima ku ta eima hriapa thâtih cha he he a châ.

1 ZAWHÂNA 2:25

Chhâzaw hrona to awpa ta ano tlai ta bie miah â taih.

1 ZAWHÂNA 3:5

Krista cha moleinazy siekhei awpa ta â vaw luah tahpa nama pahno. Ano liata la moleina rai y vei.

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

1 ZAWHÂNA 4:14

Chatanachata Paw ta a Sawchapawpa cha khizaw Pachhatuhpa châ awpa ta a vaw tuah tahpa hmô pi ta, eimâ duakhei.

1 ZAWHÂNA 4:2

He liana heta Khazohpa Thlahpa cha nama pahno aw: Zisu Krista cha sapa ta â vy tahpa a châkheipa thlahpa maih cha, Khazohpa tawhta châ ta,

1 ZAWHÂNA 5:11

Pahnokheina cha he he a châ: Khazohpa ta chhâzaw hrona miah pie ta, cha hrona cha a Sawchapawpa liata a y.

1 ZAWHÂNA 5:13

Chhâzaw hrona nama hnei tahpa nama pahno thei nawpa ta, nâmo, Khazohpa Sawchapawpa moh a ngiapâtuhpazy hnohta, he biezy he ei roh.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.