1 ZAWHÂNA 1:1 - Mara Bible RV (BSI)

¹ Hrona bie, âthaona liata a ypa, eima nah ta thei pi ta, eima mo ta eima hmôpa, moh thlâh ha pi ta, eima ku ta eima hriapa thâtih cha he he a châ.

1 ZAWHÂNA 1:1 ပူးပေါင်းရင်းမြစ်များ

ISAI 41:4

Âthaona tawhta chhâzy ahy ta aw ta, He rai he ahy ta hria ta, Ahy ta ma a patlô tly? Kei, Abeipa he hmiatua chaipa hnohta y na ta, Hnôhchaipa hnohta chhao a ypa ei châ; Keima tlai he na ei châ.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

LUKA 1:2

a hmôtuhpazy nata bie chakaotuhpazy ta âthaona tawhta miah hlâ pachhuah hra ei ta.

LUKA 24:39

Ei kuzy ei pheizy he moh tua u, keima tlai kha ei châ hih. Na vaw hria u la, na moh teh u. Keima eina hmôpa hawhna ei chi heta, thlahpa cha sapa nata rupa hnei vei,” tah ta.

ZAWHÂNA 19:35

Cha hmo cha, mo ta a hmôtuhpa cheingei ta a reipa a châ. A hmo pahnopa cha a do ta, biedopa a reihpa a châ tahpa chhao ano liata â pahno. Cha bie cha nâmo chhao ta namâ ngiapâ thei nawpa ta reipa a châ.

ZAWHÂNA 20:27

Thawma hnohta, “Na kudy ta vaw hria la, ei kuzy he moh tua. Na ku vaw paza la, ei kâ liata vaw chapao tua. Zo leipa ta y leipa la, zo mah y,” tah ta.

ZAWHÂNA 5:26

Paw cha hrona hnawh a châpa hawhta, Sawchapawpa chhao hrona hnawh châ awpa ta a tao.

ZAWHÂNA 8:58

Zisu ta âmo cha a chhy ta, “Hmeiseihta ta, hmeiseihta ta ei cha chho ei, Abarahâ y hlâta ei y haw,” tah ta.

HMOTAOPAZY 1:3

Riethei a tao khai tawhna khata, noh sypalih tlai a pachupazy hnohta a luah ta, Khazohpa khinarâh thâtih reih lymâ ta, a hroh ha heih tahpa pasia nawpa ta kyh hluhpi ta â pahnosa.

HMOTAOPAZY 4:20

Keimo la hmo eima hmôpa nata eima theipazy reih leipa ta y thei ma pi,” tah ei ta.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

1 ZAWHÂNA 4:14

Chatanachata Paw ta a Sawchapawpa cha khizaw Pachhatuhpa châ awpa ta a vaw tuah tahpa hmô pi ta, eimâ duakhei.

1 ZAWHÂNA 5:7

Pahnokheituhpa pathôh ama y.

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.

BIEPHUAH 19:13

Thisaih liata nypa poh a bu ta, a moh cha, “Khazohpa Bie,” tahpa ta bipa a châ.

BIEPHUAH 2:8

“Smynâ Awnanopa vâlyuhchâpa hnohta hetana heta roh teh: ‘Âthaona nata achhâna, thi ha ta, a vaw hroh heihpa khata he biezy he a reih.