1 TIMAWTHY 6:9 - Mara Bible RV (BSI)

⁹ Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.

1 TIMAWTHY 6:9 ပူးပေါင်းရင်းမြစ်များ

1 ABEIZY 21:6

Ahabâ ta Zezebel hnohta, “Zezari chyhsa Nâbô hnohta, ‘Na kre sadô he na chaleisa teh. Na khoh via khiahta cha, kre sadô hropa ei cha pie aw,’ tah na ta, ano ta, ‘Ei kre sadô he cha pie aw va na,’ tahpa ta einâ chhy hapa vâta a châ,” tah ta.

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

BIESOZY 15:27

Athôhna doleipa hmô khohpa ta karâypa chyhsa cha, A chhôhkha châta tymâna tlôkhei ta; Panaopapana a haopa deikua cha, A hro a pareih aw.

BIESOZY 20:21

Âthaona liata tararuahna ta râh hneipa cha, Achhâna lâta byhnâ châ khao tyh vei.

BIESOZY 21:6

Paleih haihthaipa ta sôh hmôpa cha, Ti hu a lei haipa nata thina khoheih a châ.

BIESOZY 22:16

Ano hneirôna papôh nawpa ta dyhchhiepa tlybai ta, Hneirôhpa hnohta sôh nah thih a piepa cha, Dyhchhiena ta a tlô thlu aw.

BIESOZY 23:4

Hneirôh awpa ta na rie a pathei tu leipa la, Â daihna rakha pahno awpa ta so thai kaw mah y.

ISAI 5:8

Râh ruapa y khao leina taihta, O nata o pazao ta, Râh nata râh a pazaopazy cha Ama hu a po na! Râh liah khophie liata Âmo dei ta ama pahrâ.

ZEKARIA 11:5

A chaleituhpazy ta chado leipa ta thie ei ta, hriena a tyh hlei leipa ei ta. A zuahtuhpazy ta, ‘Ei hneirôh haw, Abeipa cha reithaipa ta y se!’ tah ei ta, âmo vaituhpazy dâhdei chhao ta ngiachhie veih ei.

MALUHREINA 31:8

Midia beizy chhao, ama chyhsa thiepazy hry liata thie pâ hra ei ta, Midia bei papangawh, Ivi, Reke, Zuri, Hurâ nata Rebâ nata Beô sawchapawpa Bâlâma chhao zaozi ta ama thie haw.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MATHAI 19:22

Cha bie cha thyutliapa ta a thei nahta, sôh hluhpi a hneipa a châpa vâta, pachârôhpa ta sie ha ta.

MATHAI 26:15

ama hnohta, “Ano cha, cha patusa aw ei sah la, khâpa eina pie aw ei chi?” tah ta. Tâkâ tlaw sythôh pie ei ta.

MATHAI 6:19

“Chhoma-u nata saiiepa ta niepa ta, parutuhpazy ta a ngia ei ta ama paru theina alei liana heta ryuzy a pachô khuh vy.

MÂKA 4:19

châhrasala khizaw hmo pachâna nata hneirôna nata hmo hropazy tlaichhaina âmo liata a vaw ngia ta, cha chata bie cha disao ta, pathei thei leipa ta a y tyh.

LUKA 12:21

Ano châta sôh pachô ta, Khazohpa lâta hneirôh tlôh leipa cha, cha chyhsa hawhta a châ aw,” tah ta.

LUKA 21:35

Cha noh cha khizaw pôhpalôhpa liata a pahrâpa zydua chô liata vaw tlô tlôh aw ta.

HMOTAOPAZY 8:20

Pity ta a hnohta, “Khazohpa hmopiepa cha tâkâ sôh ta chalei thei awpa ta na pachâpa vâta, na tâkâ cha na leidiana liata leidia hra mawh sy!

EPHESI 4:22

Eikhano ta nama hrozie ta a hrohpa, dôveina piehpie aohraohna ta a parao tyhpa, nama chyhsa parohpa kha pahluh u la,

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

1 TIMAWTHY 1:9

Ryhpa cha chyhsa dopazy châta taopa châ leipa ta, ryhpa â papeisa leipa nata reingiah leipazy, Khazohpa a pachâ leipa nata moleipazy, pathaih leipa nata zyhna kyh a pachâ leipazy, nô nata paw a thiepazy, lianycheihpazy,

1 TIMAWTHY 3:7

Cha dei châ vei, khôtho chyhsazy lia chhao ta moh phapa a châ awpa a châ. Chataleipatala reipachhiepa ta y aw ta, ahripa khoheih liata â ao pathlei aw.

1 TIMAWTHY 6:10

Tâkâ sôh kyh liata karâyna cha moleina to thabypa a châ. Thokha sôh tlaichhaina vâta ngiapâna paviasai ei ta, pachârôhna hluhpi taopa ta, âmosasyh amâ pasasa tyh.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

2 TIMAWTHY 2:26

Chatanachata ama chhie nata pha pahnona vaw hroh aw ta, ano khopa tao awpa ta âmo a patu tyhpa ahripa khoheih ama khôkhâh thei aw.

TITU 2:12

Cha chata Khazohpa pachâ leina nata khizaw aohraohnazy bâhsaipa ta, tahmâhlâ khizaw liana heta asohsipa nata asiapa nata Khazohpa pachâna hro hrokhei awpa ta miah pachu ta,

ZAWSUA 7:11

Izarei ta hmo a parao haw. Ama hnohta bie ei piepa, ei biehrai parao ei ta, pahleipadia awpa hmo thokha amâ la haw. Hmo paru ei ta, haipa bie reih ei ta, ama parupazy cha ama hmo hry liata ama nyu.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.