1 TIMAWTHY 6:5 - Mara Bible RV (BSI)

⁵ Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

1 TIMAWTHY 6:5 ပူးပေါင်းရင်းမြစ်များ

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

ZEREMIAH 8:10

“Chavâta ama lapinôzy cha mohropazy pie aw na ta, Ama lyuzy chhao âmo a pahnietuhpazy ei pie aw ei. Chyhsa to, a chyh chaipa tawhta a lai chaipa taihta, Athôhna doleipa liata karâypazy châ ei ta, Hrohsopa nata theihthaipa zy taihta Chyhsa ama dôveipa vâta, Cha hmozy cha ama chô liata ei tao aw.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

MATHAI 12:33

“Tho phapa cha a thei pha ta, tho chhiepa cha a thei a chhie. Tho cha a thei tawhta pahnopa a châ.

MATHAI 21:13

Ama hnohta, “‘Ei o cha thlahchhâna o tahpa a châ aw’ tahpa ta ropa châ ta, nâmo deikua ta parutuhpazy lôpu ta nama tao haw,” tah ta.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

1 KAWRINI 11:16

He kyh liata a paeipa ama y khiahta cha, taozie hropa hnei ma pi, Khazohpa Awnanopa chhao ta hnei hra vei.

2 THYSALAWNIKA 3:6

Unawh saih u, keimo tawhta pachuna bie nama daopa hawhta y leipa ta, thathipa ta a ypa unawh tawhta a panano awpa ta eima Beipa Zisu Krista moh ta bie eima cha pie.

1 TIMAWTHY 1:6

Chyhsa thokha cha, chazy vâta pavia ei ta, hraoleipa biezy reina lâta ama tlei tyh.

1 TIMAWTHY 3:3

kresawhti pari hmâh leipa, thachahra hmâh leipa chyhsa nônaipa, ahryuchhiana a tao leipa nata tâkâ sôh liata karâ y leipa a châ awpa a châ.

1 TIMAWTHY 3:8

Cha hawhna chata chakaotuhpazy chhao chyhsa zachhihpa, haipa bie a reih leipa, kresawhti parâ leipa nata avyuhna ta athôhna a tlua leipa ama châ awpa a châ.

1 TIMAWTHY 4:7

Khazohpa nata a zao leipa phôhpa thlâhthlipazy nata nôpipazy biephôh liata pahâh leipa la, Khazohpa chyhsa châ awpa ta nâmasasyh ta a hrie mah y.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

1 TIMAWTHY 6:6

Khazohpa khozie hawhta hroh ta, hneipa rakha liata palôhtlâh a paohpa he athôhna rônahpa a châ.

2 TIMAWTHY 3:5

Khazohpa chyhsa hawhta a lâ aw ei ta, châhrasala a hmotaotheina deikua zo aw veih ei. Cha hawhpa chyhsazy cha a heihsai mah y.

2 TIMAWTHY 3:8

Zane nata Zambare ta Mawsi amâ dyuhpa hawhna khata, cha chyhsazy ta biehmeiseihpa amâ dyuh tyh. Palôh moleipa, ngiapâna kyh liata tloh leipa ama châ.

TITU 1:11

Cha sahlao cha ama pakah chahu awpa a châ. Avyuhna nozachhihpa ama tao thei nawpa ta, pachu lei awpazy pachu ei ta, chhôhkha zydua ama patypamâ.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.

BIEPHUAH 18:13

lôiasohpa, ia-ô, ropahâhpa raopa, myrâ, sathaw ropahâhpa, kresawhti, sathaw, viahdie dipa, âtâ sâh, viahchao nata mietaku, arâ nata talailih zy nata sei ta chyhsa hrona ama zuapazy a chalei awpa y khao veih ei.

BIEPHUAH 18:3

A sihryhna kresawhti doh ei ta, Phopi zydua ama pari khai haw; Lei beizy ta sihryhkhei ei ta, Lei liata sôhpalietuhpazy ta hneirôhkhei ei ta, A phasana hro ama hneirôhkhei,” tahpa ta awh ta.