1 TIMAWTHY 6:4 - Mara Bible RV (BSI)

⁴ apalaina ta a biepa châ ta, khâpa hmah a pahno leipa a châ. Aeichhiana nata ahryusina a y thei awpa biezy hrukhei ei ta, chazy chata uahvana, atudaina, reipachhiena nata ngâleina hmo pha leipazy a paysa tyh.

1 TIMAWTHY 6:4 ပူးပေါင်းရင်းမြစ်များ

BIESOZY 13:7

Chyhsa pakha cha anosasyh hneirôhpa hawhta â tao ta, Châhrasala a hneipa y leipa ta; Chyhsa hropa ta sipasapa hawhta â tao ta, Châhrasala sôh hluhpi a hnei.

BIESOZY 25:14

Hmo a pie leipa tlai ta piepa hawhta â reihpa cha, Vâsua ti a hnei leipa meihdo nata thlih hawhta a châ.

BIESOZY 26:12

Ano mokhaoh liata â pasosa kawpa chyhsa na hmô tyh ma? Cha hawhpa chyhsa hlâta cha, Ahrupa châta hnabeiseihna a y via.

ISAI 58:4

A hryuchhia awpa ta kâhvileipa ta y ei chi ta, A tudai awpa ta kâhvilei ta nama y; Moleina kutô ta a chô awpa ta, Kâhvileipa ta a ypa nama châ. Tanoh ta kâhvileipa nama hmâzie hawhpa heta la, Chô lâ tawhta nama ao thei nawpa châ hlei aw vei.

HMOTAOPAZY 15:2

Pawla nata Bânabâ cha âmo nata a hryupâpa ta thata a ei ei ta. Pawla nata Bânabâ cha unawh thokhazy chhaota, cha bie kyh vâna chata Zerusale liata lyuhchâpazy nata machâzy lâta khy awpa ta rao ei ta.

HMOTAOPAZY 18:15

Châhrasala biezy, mohzy nata nama ryhpa kyhzy a châpa vâta, nâmo ta pachia thlâh ha teh u. Kei la, cha hawhpa kyh liata pachiatuhpa châ awpa khoh va na,” tah ta.

HMOTAOPAZY 8:9

Chyhsa pakha a moh Saimaw ama tahpa y ta. Ano cha dyu hmâpa ta, chyhsa rônahpa pakha hawhta a reih ta, Samâri khihsawzy noâh ngaitapa ta a vaw paysa tyhpa a châ.

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

RAWMA 13:13

Nohchhô ta ypa hawhta â ngia ngaitapa ta y sih la, apatlapa nata sahma paripa ta y leipa ta, parâpa nata apheipa ta y hra leipa ta, ahryuchhiapa nata hiatliapa ta y khah ei suh u.

RAWMA 14:1

Ngiapâna liata chiehleipa chyhsa cha a pyh thai u la, â lôhleina kyh liata sei khuh vy.

RAWMA 2:8

Âmo pha nawpa sai tluapa ta, biehmeiseihpa zyh leipa ta, sialeina a zyhtuhpazy chô lia deikua cha, pathiiana nata hiehâhna a y aw.

1 KAWRINI 11:16

He kyh liata a paeipa ama y khiahta cha, taozie hropa hnei ma pi, Khazohpa Awnanopa chhao ta hnei hra vei.

1 KAWRINI 11:18

A hmiatua chai ta, Awnanopa sahlao namâ pakhy nahta, nama hry liata a pachhaihna a y tyh tahpa ei thei. Ei zo pâ thlâh haw.

1 KAWRINI 3:18

Ahy hmahta anosasyh ta a dôvei khah sy. Nama hry liata ahy rai, he chhâ liata a so kawpa hawhta â pachâ khiahta cha, a vaw so thei nawpa ta ahrupa lâta a lie mawh sy.

1 KAWRINI 3:3

sapa chyhsa nama châ chypa vâta. Nama hry liata hiatliana nata aeichhiana zy a y thlâh ha chy khiahta cha, sapa chyhsa châ chy ei chi ta, sapa hro ta a hrohpa châ thlâh ha chy veih ei chi ma?

2 KAWRINI 11:20

Chyhsa ta sei ta cha tao ei sala, cha nie khai ha ei sala, cha tlybai ei sala, âmo hmia a pasah ei sala, nama hmia liata cha chabaih ei sala, nâmo la nama chhyh thei.

KALATIA 5:15

Nâmo nata nâmo a siepa ta, namâ nie khiahta deikua cha, a vaih teh u. Chataleipatala nâmo nata nâmo ta namâ pahleipadia pathlei aw.

KALATIA 5:26

Keimo nata keimo a pahao leipa ta, keimo nata keimo a uahva hra leipa ta, a pasâhsapa ta y khah suh u.

KALATIA 6:3

Khâpa hmah châ tlôh leipa ta, chyhsa peimawhpa hawhta â pachâpa cha, anosasyh a dôveipa a châ.

PHILIPI 1:15

Thokha cha hiatliana nata aiehkhyhna vâta Krista bie chho ei ta, thokha deikua cha thapasana vâta Krista bie ama chho.

PHILIPI 2:14

Paphôna nata aeichhiana y leipa ta ato tao teh u.

PHILIPI 2:3

Hlaotlohna hmô ta, moh a lâ awpa khona vâta tlyma, apalaina vâta tlyma, khâpa hmah tao khuh vy. Tlao a panawh u la, nâmo hlâta mohropazy pha viapa ta rao teh u.

KAOLAOSÂ 2:18

Ahy hmahta areisina pakheipa nata vâlyuhchâpazy achhyna a duakheipa ta, nama lymâ hmô thei lei awpa ta cha tao khah ei sy. Cha hawpa chyhsa cha aluahna a hmôpazy kyh â kichopa ta reih tyh ta, a chhâpa y leipa ta sapa palôh ta thata â palai tyh.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.

1 TIMAWTHY 1:4

Phôhpa nata thyutôna kyh a laichadai tiah leipazy reina liata ngosiah thlâh lei awpa ta biepie awpa ta ei châ haw hra. Cha hawhpa biezy reipa cha ngiapâna kyh liata Khazohpa raihria thapatlôtuhpa châ leipa ta, aeichhiana a taotuhpa tlao a châ.

1 TIMAWTHY 1:7

Pahnopasia tlôh leipa ta bie reih ei ta, riahpha kawpa ta bie a duakheipa ta, ryhpa pachutuhpazy châ awpa ama khoh.

1 TIMAWTHY 3:6

Ngiapâ thiehpa chyhsa a châ awpa châ vei. Chataleipatala a palai aw ta, ahripa thailei pachâsana liata a pao pathlei aw.

2 TIMAWTHY 2:14

He biezy he âmo pahnosa heih la, phahnaina hnei tlôh leipa ta nathlietuhpazy a parao tyhpa biezy liata a eichhia lei awpa ta biepie mah y.

2 TIMAWTHY 2:23

Aeichhiana hrupa nata phahnai leipazy cha ahryusina a papua tyh tahpa pahno chi ta, chavâta cha hawhpa liata a hlaohli khah y.

2 TIMAWTHY 3:4

piehpiepazy, hmiahnoh rao leipazy, apasâhsapazy nata Khazohpa hlâta khizaw haosai a tlaichhai viapazy ama châ aw.

TITU 3:9

Aeina hrupazy, thyutônazy, achakhianazy nata ryhpa kyh liata ahryunazy a hneisai lymâ mah y. Athôhna a y leipa nata hraoleipa hmozy a châ.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

2 PITY 2:12

Âmo deikua cha, pachâna a hmâh thai leipa râhsa, patuapaluana a hnei leipa hmohrohneipazy hawhta châ ei ta, patu awpa nata pahleipadia awpa ta a pihpazy ama châ. Ama pahno leipa kyhzy reipachhie ei ta, râhsazy hawhta âmo chhao pahleipadiapa ama châ hra aw.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

ZUDÂH 1:10

Cha chyhsazy deikua chata ama pahno leipa maih reipachhie ei ta, pachâna a hnei leipa sazy ta ama pikheipa pahnona ama zi thlâhpa hawhta, âmo chhao ama pikheipa pahnona zi hra ei ta, cha chata a pahleipadia ha ei.

ZUDÂH 1:16

Cha hawhpa chyhsazy cha, ama moleina hmo khopazy chadaipa ta, paphôhpalyuh thaipa nata reipasipasua a hmâhpazy châ ei ta, athôhna hmô khoh vâta khokhei viapa hneipa ta, pakah kawhpa ta a palaipazy ama châ.

BIEPHUAH 3:17

“Sôh hluhpi a pachô ha na ta, ei hneirôh haw, khâpa hmah a phahla va na,” tah chi ta, châhrasala rietheipa, ngiachhiechhihpa, dyhchhiepa, mochaopa nata thluahruapa na châ tahpa a pahno va chi.