1 TIMAWTHY 6:20 - Mara Bible RV (BSI)

²⁰ Hy Timawthy, na mohôh awpa ta nâ liata pavaosapa kha a phapa ta vaih mah y. Â doleipa ta “pahnona” ama tahpa Khazohpa a hlao leipa bie sisaw leipa reipa nata saizie a lyu leipa hmozy liata aeichhianazy a hneisai tyh mah y.

1 TIMAWTHY 6:20 ပူးပေါင်းရင်းမြစ်များ

HMOTAOPAZY 16:1

Pawla cha Derbe nata Lystâ lâzy chhao sie ta. Cha liata Timawthy ama tahpa pachupa pakha y ta. Timawthy cha Zu chanô ngiapâtuhpa sawchapaw châ ta, a paw deikua cha Krikâh chyhsa a châ.

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 17:21

Atheni mo zydua nata cha liata a ypa chihropazy cha, hmo hropa tao leipa ta, hmo thiehpa reipa nata nathliena liata ama daihtizy a hmâh tyhpa ama châ.

RAWMA 1:22

Chyhsa sopa hawhta a reih ei ta, ahrupa lâta ama pua haw.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

1 KAWRINI 2:6

Pitlohpazy hry liata deikua cha, biesozy eima pachu tyh. Châhrasala he khizaw biesozy châ leipa ta, he khizaw ryureituhpa a leidia awpazy bieso châ hra vei.

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.

KAOLAOSÂ 2:18

Ahy hmahta areisina pakheipa nata vâlyuhchâpazy achhyna a duakheipa ta, nama lymâ hmô thei lei awpa ta cha tao khah ei sy. Cha hawpa chyhsa cha aluahna a hmôpazy kyh â kichopa ta reih tyh ta, a chhâpa y leipa ta sapa palôh ta thata â palai tyh.

KAOLAOSÂ 2:8

Ahy hmahta Krista bie hawhta châ leipa ta, chyhsapa taozietyhpa nata khizaw siezie hawhta ama châ chhi lei nawpa nata, ama thaisona nata dôveina ruapa hmâpa ta ama cha parao lei nawpa ta, a hrohrua teh u.

2 THYSALAWNIKA 1:4

Chavâta taolana namâ tyhna nata pasa nama taona zydua liata nama pachyuzie nata nama ngiapâna zy kha, Khazohpa Awnanopazy hry liata eima châ palaikhei kaw tyh.

2 THYSALAWNIKA 2:15

Chavâta unawh saih u, â ipa ta a duah u la, biereipa ta tlyma, châpaphaopa ta tlyma, hrozie awpa eima cha pachupa zydua kha khâchâ patu ha muh vy.

1 TIMAWTHY 1:11

Cha ryhpa cha reithai tlâh Khazohpa thâtihpha rônahpa, kei liata pavaosapa nata â hmiepa ta taopa a châ.

1 TIMAWTHY 1:2

ngiapâna liata ei sawchapaw hmeiseihpa Timawthy ei châ naoh. Paw Khazohpa nata Krista Zisu eima Beipa tawhta ngiachhiena, zawngiahna nata thlalôhna na hnohta y mawh sy.

1 TIMAWTHY 1:4

Phôhpa nata thyutôna kyh a laichadai tiah leipazy reina liata ngosiah thlâh lei awpa ta biepie awpa ta ei châ haw hra. Cha hawhpa biezy reipa cha ngiapâna kyh liata Khazohpa raihria thapatlôtuhpa châ leipa ta, aeichhiana a taotuhpa tlao a châ.

1 TIMAWTHY 1:6

Chyhsa thokha cha, chazy vâta pavia ei ta, hraoleipa biezy reina lâta ama tlei tyh.

1 TIMAWTHY 1:9

Ryhpa cha chyhsa dopazy châta taopa châ leipa ta, ryhpa â papeisa leipa nata reingiah leipazy, Khazohpa a pachâ leipa nata moleipazy, pathaih leipa nata zyhna kyh a pachâ leipazy, nô nata paw a thiepazy, lianycheihpazy,

1 TIMAWTHY 4:7

Khazohpa nata a zao leipa phôhpa thlâhthlipazy nata nôpipazy biephôh liata pahâh leipa la, Khazohpa chyhsa châ awpa ta nâmasasyh ta a hrie mah y.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

1 TIMAWTHY 6:14

Eima Beipa Zisu Krista â vaw luah heih hlâlei cha, biepiepa kha apuapa kiah leipa nata seina hnei leipa ta zyh mah y.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

2 TIMAWTHY 2:16

Khazohpa a hlao leipa bie sisaw leipa reipazy a hneisai mah y. Cha hawhpa biezy chata chyhsazy Khazohpa pachâ leina lâ a chhi via rili aw ta,

TITU 1:14

Zuzy phôhpa nata biehmeiseihpa a heisaituhpa biepiepazy cha uasa lei awpa ta âmo cha chhorei hra mah y.

TITU 1:4

ngiapâna miakhapa liata ei saw hmeiseihpa Titu ei châ naoh. Paw Khazohpa nata Krista Zisu miah Pachhatuhpa tawhta ngiachhiena nata thlalôhna na hnohta y mawh sy.

TITU 1:9

Awnanopa chhituhpa cha biezyhpa dopa a pachu thei awpa châ ta, biezyhpa dopa chakhiatuhpazy a padei thei nawpa ta, pachuna dopa â ipa ta a patu awpa a châ.

TITU 3:9

Aeina hrupazy, thyutônazy, achakhianazy nata ryhpa kyh liata ahryunazy a hneisai lymâ mah y. Athôhna a y leipa nata hraoleipa hmozy a châ.

BIEPHUAH 3:3

Na topa nata na theipazy kha a thei la, zyh la, ro teh. Nâ hra vei khiahta la, parutuhpa hawhta a vy aw na ta, khati dawh ta ma ei cha vaw pachhai aw tahpa pahno aw va chi.