1 TIMAWTHY 6:2 - Mara Bible RV (BSI)

² Ngiapâtuhpa zibeipa a hneipazy ta, Krista liata unawh ama châpa vâta, ama zibeipazy ama hno awpa châ leipa ta, ama chakaona a thôhkheituhpazy cha ngiapâtuhpa nata kho ngaitapazy ama châpa vâta, a pha viapa ta ama chakao rili awpa a châ. He biezy he pachu la pasyu mah y.

1 TIMAWTHY 6:2 ပူးပေါင်းရင်းမြစ်များ

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

MALUHREINA 16:3

Mawsi nata Arawna chakhia awpa ta a awpakhy ei ta, ama hnohta, “Nama tah tu ha bâ! Zawpi pôhpakhypa sahlao he pathaih ei ta, ama zydua ta ama pathaih khai. Abeipa chhao ama hry liata a y. Khazia Abeipa chyhsa pôhpakhypa hlâta chônô viapa ta namâ tao?” tah ei ta.

MATHAI 23:8

Nâmo deikua la, pachutuhpa tahpa ta bi awpa châ veih ei chi. Pachutuhpa cha pakha deita nama hnei. Nama zydua ta unawh sai nama châ.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.

RAWMA 11:17

Châhrasala a chiah thokhazy cha thliepa châ ta, nâ, râh liata ôli tho tlai chi cha, ôli tho phapazy liata pazaopa ta, ôli tho phapa thari nâ hly khiahta cha,

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

EPHESI 1:1

Pawla, Khazohpa khozie hawhta Krista Zisu lyuhchâpa ta Ephesi khih liata mopathaihpazy nata Krista Zisu liata ngâchhihpazy ei châ naoh ei.

EPHESI 1:15

Cha vâna chata, Abeipa Zisu liata namâ ngiapâna nata mopathaihpa zydua chô liata nama kyhpachâna zy ei vaw thei nahta,

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

KAOLAOSÂ 1:2

Kaolaosâ khih liata Krista liata mopathaihpazy nata unawh ngâchhihpazy eima châ naoh. Khazohpa eima Paw tawhta ngiachhiena nata thlalôhna nama hnohta y mawh sy.

KAOLAOSÂ 1:4

Krista Zisu namâ ngiapâzie nata mopathaihpa zydua chôta kyhpachâna nama hneizie eima vaw theipa vâta nata,

KAOLAOSÂ 4:1

Zibeipa saih u, nâmo chhao avâ liata Zibeipa nama hnei tahpa pahnopa ta, nama seizy chô liata â do kawpa nata â raohâh kawpa ta tao muh vy.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

1 TIMAWTHY 4:11

He biezy he pie la, pachu mah y.

1 TIMAWTHY 5:1

Pawhrâhpa cha ra leipa la, paw hawhta pasyu la, chapaw thyutliazy cha unawhzy hawhta moh mah y.

TITU 2:1

Nâ deikua cha, biezyhpa dopa nata a ryhpa ta pachu mah y.

TITU 2:15

Cha biezy cha pachupa ta, pasyu la, biehneina zydua chhaota chhorei mah y. Ahy hmahta cha mohnao khah ei sy.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

1 PITY 5:1

Nama hry liata Awnanopa chhituhpazy kha, kei, nama chhituh heihpa, Krista pasa taonazy a pahnotuhpa nata rônahna a vaw luah awpa a to hra awpa heta ei cha pasyu ei.

2 PITY 2:10

Sapa aohraohna lôhrâ a patlô tyhpa nata biehneina a mohnaopazy hrie nawpa chhochhi a pahno via pachai. Hru riahphapazy châ ei ta, a palai ngaita ei ta, vâ liata rônahpazy reipachhie awpa hmah a chi leipazy ama châ.

ZUDÂH 1:8

Cha chyhsazy chhao, cha hawhta y ei ta, ama mâzy liata a pahnieh ei ta, ama pôhpa papuapalei ei ta, biehneina mopakhô ei ta, chyhsa rônahpazy ama reipachhie tyh.