1 TIMAWTHY 6:18 - Mara Bible RV (BSI)

¹⁸ Hmopha ama tao awpa châ ta, hmopha taona liata hneirôhpa ta, riaphapa ta, ama hneina mohropazy amâ chhaih hra awpa a châ.

1 TIMAWTHY 6:18 ပူးပေါင်းရင်းမြစ်များ

2 THÂTIHZYRONA 24:16

Izarei râh liata nata Khazohpa nata a o châta hmo phapa a taopa vâta, Dâvi khihpi liata abeizy hry liata ama pabu.

HLAZY 112:9

A sôh nata piahzy a saipa ta rai ta, Dyhchhiepazy a pie tyh; A siana chhâzaw ta y aw ta, A ki palyupalih ta cheihchalopa a châ aw.

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

BIECHHOTUHPA 11:6

My ta chi tu la, zâlâ chhao na ku pako thlâh ha khah y. Kheihawhpa ma a pyuh aw, he he ma, hao hao ma, a miano ta ama pha aw ma, tahpa zy pahno va chi.

BIECHHOTUHPA 3:12

A ly ngaitapa ta y ta, ama hro chhôh zydua hmo phapa taopa hlâta a pha viapa y vei tahpa ei pahno haw.

ISAI 32:8

Zachhihpa deikua cha, Zachhihpa hmozy pachhuahpanoh ta, Zachhihpa hmozy liata â duah tyh.

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

MATHAI 5:42

Châ hiahpa maih pie la, dyu châ cheipa thlyu khah y.

LUKA 12:21

Ano châta sôh pachô ta, Khazohpa lâta hneirôh tlôh leipa cha, cha chyhsa hawhta a châ aw,” tah ta.

LUKA 3:11

Zawhâna ta ama hnohta, “Ahy rai viahkao zo no a hneipa ta, a hnei leipa hnohta pie sala, ahy rai niedo a hneipa ta, cha hawhta tao hra mawh sy,” tah ta.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 11:29

Chatanachata pachupazy cha, ama tao theipa rakha chyu ta, Zudia râh liata unawh a ypazy lâ baona paphao a chhuah ei ta.

HMOTAOPAZY 9:36

Zôpâ liata Tâbi ama tahpa pachupa pakha y ta. A Krikâh moh cha Dawkâsi a châ. Cha chanô cha hmotao phapa nata hmopiepa ta chakaona kyh liata a piepasai ngaitapa châ ta.

RAWMA 12:13

Mopathaihpa a phahlapazy deichhy u la, khichhai pasô muh vy.

RAWMA 12:8

pasyutuhpa ta pasyuna bie reih sala, hmopietuhpa ta riapha ngaitapa ta pie sala, ryureituhpa ta tiamapa ta ryureih sala, ngiachhiena rai hriatuhpa ta a ly ngaitapa ta hria mawh sy.

1 KAWRINI 16:2

Ei vy tita thyuna khei chhyhpa a châ lei nawpa ta, hâta noh hmiatuapa lia maihta, chyhsa to byhnâ nama topa lymâ hawhta thyuna sohpakhypa ta nama pachô lymâ aw.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

KALATIA 6:10

Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 3:11

Moleina a heihsai sala, Hmo pha tao mawh sy; Thlalôhna tlua sala, A chadai lymâ mawh sy.

1 ZAWHÂNA 3:17

Chyhsa ta khizaw sôh hnei thlâh ha tlôh ta, a unawhpa a phahlapa hmô sala, thapasana a hnei leipa khiahta cha, Khazohpa kyhpachâna cha ano liata kheihta a y thai aw?

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.