1 TIMAWTHY 6:15 - Mara Bible RV (BSI)

¹⁵ Reithai tlâh Khazohpa nata ato chô liata biehneituhpa a y chhôhpa, beizy Beipa nata zibeizy Zibeipa ta eima Beipa Zisu Krista cha a daihtita liata a vaw paluahsa aw.

1 TIMAWTHY 6:15 ပူးပေါင်းရင်းမြစ်များ

EZRÂ 7:12

“Beizy bei Âtazezia ta avâ Khazohpa Ryhpa rohtuhpa theihthaipa Ezrâ ei châ naoh. He hawhpa daihti liana heta thlalôhna na hnohta y mawh sy.

HLAZY 136:3

Beizy Beipa hnohta alyna bie reih teh u, A kyhpachâna tlyzaw ta a daihpa a châ.

HLAZY 47:2

Abeipa Chônôchaipa cha chi awpa châ ta, Ano cha alei chô zydua liata bei rônahpa a châ.

HLAZY 83:18

Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

BIESOZY 8:15

Keima baona ta beizy ryureih ei ta, Ryureituhpazy ta ryureina dopa ama siekhei.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

ZEREMIAH 46:18

“Ei hrona reipa ta ei reih, Abeipa, a moh Pheisaihzy Abeipa ta a tah. Tlâhpizy hry liata tlâh sâh chaipa Tabaw tlâh hawhpa a vy aw ta, Tilaipi kiah liata Kâmel tlâh hawhpa â vy aw.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

RYHPACHANEINA 10:17

Abeipa nama Khazohpa cha khazohzy Khazohpa, beizy Beipa, Khazoh rônahpa, Khazoh thatlôpa nata chichhihpa, khokhei hlei hnei leipa nata panaopapana hmo a la beih leipa a châ.

1 TIMAWTHY 1:11

Cha ryhpa cha reithai tlâh Khazohpa thâtihpha rônahpa, kei liata pavaosapa nata â hmiepa ta taopa a châ.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

1 TIMAWTHY 2:6

Krista Zisu cha chyhsa zydua chatlai nawpa ta anosasyh ta a pie ta, a daihtita liata chatlaina bie a phuah haw.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 19:16

A poh liata nata a byhpi liata, “Beizy Beipa nata hyutuhpazy Hyutuhpa,” tahpa moh ropa a hnei.