1 TIMAWTHY 6:1 - Mara Bible RV (BSI)

¹ Khazohpa moh nata a pachunazy reipachhiepa ta a y lei nawpa ta, sei raopaky a kypazy ta ama zibeipazy cha za tlâhpa ta ama pachâ awpa a châ.

1 TIMAWTHY 6:1 ပူးပေါင်းရင်းမြစ်များ

ÂTHAONA 16:9

Abeipa vâlyuhchâpa ta, “Na zibeinô Sârai lâ kua la, ano rei sai ta kei y mah y,” tah ta.

ÂTHAONA 24:12

Chakaotuhpa ta, “Hy Abeipa, ei zibeipa Abarahâ Khazohpa y, ngiachhiepa ta tanoh he hlaotlohna na pie la, ei zibeipa Abarahâ chô liata ngiachhiena palâsa mah y.

ÂTHAONA 24:2

Abarahâ ta a chakaotuhpa, a o liata uhthei chaipa nata a hneipa zydua chô liata biehneituhpa hnohta, “Ngiachhiepa ta na ku kha ei byhpi ry liata vaw chahraoh teh.

ÂTHAONA 24:27

“Ei zibeipa chô liata ngiachhiena nata biedopa a thlyu beih leipa Abeipa, ei zibeipa Abarahâ Khazohpa cha reithaipa ta y mawh sy! Kei chhao he Abeipa ta ei zibeipa heinawhzy o lâta eina vaw chhihtha ha hih,” tah ta.

2 SAMUELA 12:14

He na hmotaopa heta Abeipa chariahpazy châta ano ama reipachhie nawpa rypaohpa na taopa vâta, na saw a pihpa deikua cha a thi aw,” tah ta.

2 ABEIZY 5:13

A chakaotuhpazy ta a kei hnia ei ta, a hnohta, “Ei pâ y, hrohsopa ta hmo laipa cha pataosa sala, tao aw va chi ma? ‘Ti liata a kei ny teh, na pathaih ha aw,’ a cha tahpa cha hmo rairupa chhao châ va,” tah ei ta.

NEHEMIAH 9:5

Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

ISAI 52:5

Chavâta tahmâ Babylaw liana he khâpa ei hnei khao tly?” Abeipa ta a tah. “Ei phopi cha a ty leipa ta siekheipa châ ei ta, Ama chô liata ryureituhpazy ta amâ hrâhhnao tyh,” Abeipa ta a tah. “Noh y ta ei moh reipachhie ei ta, Â zaopa ta ei moh ama reipachhie.

ISAI 58:6

Châ bao va, kei ta ei raopa kâhvileipa cha he he a châ: Moleina chahrynazy pathlâna noh ta hmâ awpa châ ta, Raopaky ri pahluhna noh ta hmâ awpa a châ. Tlybaipazy khotalaina piena noh ta hmâ awpa châ ta, Raopaky to thliena noh ta hmâ awpa a châ.

EZEKIA 36:20

Ama siena râhzy ama tlô nahta, ama tlôna maih liata ei moh pathaihpa papuapalei ei ta, cha hawhta ama ypa vâta chyhsazy ta, ‘Hezy he Abeipa phopi châ ei ta, châhrasala râh tawhta a pua hapazy ama châ hih,’ ama tah tyh.

EZEKIA 36:23

Phopizy hry liata papuapaleipa ta a ypa, nâmo tlai ta ama hry liata nama papuapaleipa ei moh rônah ngaitapa cha ei pathaisa aw. Nâmo hmâpa ta phopizy hmiakô liata ei moh pathaihpa ei pathaisa tita, phopizy chata kei he Abeipa ei châ tahpa ama pahno aw, Abeipa Zehôvâh ta a tah.

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MATHAI 11:30

Ei raopaky cha pha ta, ei phao chhao â hua,” tah ta.

MATHAI 11:9

Cha khiah, khâpa mo awpa ta ma nama pua? Hrohsopa mo awpa ta ma? Ano cha hrohsopa a châ tlai, ei cha chho ei, hrohsopa hlâta rônah viapa a châ.

LUKA 17:1

Zisu ta a pachupazy hnohta, “Molei reipasaona cha a y awpa a châ. Châhrasala reipasaotuhpa cha a hu a po na!

HMOTAOPAZY 10:22

Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 10:7

Bie a chhotuhpa vâlyuhchâpa a sie nahta, Kawnilia cha a chakaotuhpazy hry liata chyhsa pano nata a vaituhpa pheisaihzy hry liata Khazohpa a pachâpa pheisaih pakha aw ta.

HMOTAOPAZY 15:10

Chavâta khazia ma, miah pathlatuhpazy nata keimo chhao ta eima pahnie leipa raopakypa cha, tahmâ pachupazy rao liata pahniepa ta Khazohpa chakhia namâ chhuah tly?

RAWMA 2:24

“Nâmo vâta Khazohpa moh cha Zenitaizy hry liata reipachhiepa ta a y,” tahpa ta ropa hawhna khata a châ.

1 KAWRINI 10:32

Zuzy chhao, Krikâhzy chhao, Khazohpa Awnanopa chhao, amâ hlua nawpa hmo khâpa hmah tao khuh vy.

KALATIA 5:1

Khotalaipa ta y awpa ta Krista ta miah papua ha ta, chavâta â ipa ta a duah u la, sei raopaky a ky heih awpa ta a pasaih khao khuh vy.

RYHPACHANEINA 28:48

nâmo châ dyuh awpa ta Abeipa ta a vaw tua awpa nama chariahzy cha, nodidâhphina, thluahruana nata ato phahlana chôta chakao aw ei chi ta, a cha pahleipadia khai hlâlei ei cha, nama rao liata thua raopaky a cha paky aw ei.

1 TIMAWTHY 5:14

Chavâta nôhmei hawti viapazy cha, dyhchâ ei sala, sawzy hneipa ta, ama chhôhkhazy mohôh ei sala, sei nawpa rypaohpa khakhaipa hnohta ama pie lei awpa ei khoh.

TITU 2:5

Khazohpa bie reipachhiepa ta a y lei nawpa ta, a sohsi theipa, chanô pathaihpa, o mohôhna rai a hriapa, nôphapa nata ama vahpazy rei a ngiahpa châ awpa ta pachu mah y.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.