1 TIMAWTHY 5:23 - Mara Bible RV (BSI)

²³ Ti deita doh khao leipa la, na pavyhpi châta nata na pasa tyhpa vâta, kresawhti chhao a chyhta do tyh mah y.

1 TIMAWTHY 5:23 ပူးပေါင်းရင်းမြစ်များ

HLAZY 104:15

Chyhsa palôh palysa nawpa ta kresawhti papua chi ta, A hmia patliena châta sathaw papuapa ta, Chyhsa palôh thapatlô nawpa ta viahchhâ na papua.

EZEKIA 44:21

Dôhpachhôh tlyhmia lâ amâ ngia tita, theihthaipa ahy hmahta kresawhti ama do awpa châ vei.

HMOTAOPAZY 18:5

Mâsidônia tawhta Sila nata Timawthy ama vaw tlô nahta, Pawla cha biechho chakaona liata a hmâh hluh via ta, Zisu kha Mesia a châ tahpa ta Zuzy hnohta â châhkhei tyh.

EPHESI 5:18

Kresawhti paripa ta y khah u, parina liata a sohsi leina y tlôh ta, Thlahpa ta biepa ta tlao y teh u.

1 TIMAWTHY 3:3

kresawhti pari hmâh leipa, thachahra hmâh leipa chyhsa nônaipa, ahryuchhiana a tao leipa nata tâkâ sôh liata karâ y leipa a châ awpa a châ.

1 TIMAWTHY 3:8

Cha hawhna chata chakaotuhpazy chhao chyhsa zachhihpa, haipa bie a reih leipa, kresawhti parâ leipa nata avyuhna ta athôhna a tlua leipa ama châ awpa a châ.

1 TIMAWTHY 4:4

Khazohpa hmotaopa to cha pha ta, alyna bie reina chôta daopa a châ khiahta cha, khâpa hmah dytha awpa châ vei.

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

TITU 2:3

Nôhrâhpazy chhao, ama yzie liata Khazohpa a chizapa, chyhsa kyh a reih leipa nata kresawhti sei ta y leipa ta, hmo phapa pachutuhpazy châ awpa ta pachu mah y.