1 TIMAWTHY 5:21 - Mara Bible RV (BSI)

²¹ He ryhpazy he thailei pachâsa chhieliena y leipa ta, khokhei eih viapa hnei hra leipa ta hmâh awpa ta, Khazohpa nata Krista Zisu nata vâlyuhchâpa atlyhpazy mohmô liata bie ei cha pie.

1 TIMAWTHY 5:21 ပူးပေါင်းရင်းမြစ်များ

HLAZY 107:43

Chyhsa sopa maihta cha hmozy cha ngia ei sala, Abeipa kyhpachâna tleih beih leipa kyh pachâ tyh mawh ei sy.

HLAZY 119:34

Novâhna na pie mah y; Chatanachata na ryhpa zyh aw na ta, Ei palôh tlokhuh ta ei zyh aw.

BIESOZY 18:5

Moleipa khokhei viapa pha lei­pa ta, Mosiapa adona chhupa chhao pha vei.

THEIHTHAINA 14:42

Alô hropazy la aw ei ta, alô ama thy hapa suzy liata soh aw ei ta, beihlei hropa la aw ei ta, o cha ama pamih pathi aw.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

MALAKHAI 2:9

Ei lâpi a chhih leipa ei chi ta, ryhpa kyh liata khokhei viapa nama hnei tyhpa vâta, kei chhao ta chyhsa hmiakô liata cha panawhsa ei na ta, mohnao chhihpa ta ei cha tao ha ei,” Pheisaihzy Abeipa ta a tah.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

LUKA 20:21

Zisu cha bie hiahri ei ta, “Pachutuhpa, thlua hlei hnei leipa ta, âdopa ta bie reipa ta pachu chi ta, hmeiseihna kyh ta Khazohpa lâpi na pachu tyh tahpa eima pahno.

LUKA 9:26

Ahy rai kei nata ei biezy a zakheipa cha, Chyhsa Sawchapawpa ta a rônahna chhaota nata a Paw rônahna nata a vâlyuhchâpa pathaihpazy rônahna chhaota â zu tita, ano cha a zakhei hra aw.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.

RYHPACHANEINA 1:7

Chavâta a pasie bâ u la, Amawri tlâh râh lâ nata a chheipâh Arabâ râh lâ zy sie teh u. Tlâh râh, by râh, Neke râh, tilaipi kiah râh, Kâna râh nata Lebanaw râh lâ zy sie u la, chavah laipa Ufrâti chavah taihta sie teh u.

RYHPACHANEINA 33:9

Na bie a ngiah ta, Na biehrai a zyhpa vâta, A nô nata a paw kyh liata, ‘Pachâ veih ei na’ tah ta; A unawhzy pahno leipa ta, A sawzy tlai chhao uasa vei.

1 THYSALAWNIKA 5:27

He châpaphaopa he unawh zydua hnohta rei awpa ta, Abeipa moh ta bie ei cha pie ei.

1 TIMAWTHY 6:13

Hmo to hrona a pietuhpa Khazohpa nata Pawtia Pilâ hmiakô liata biedopa a duakheituhpa Krista Zisu mohmô liata bie ei cha pie.

2 TIMAWTHY 2:14

He biezy he âmo pahnosa heih la, phahnaina hnei tlôh leipa ta nathlietuhpazy a parao tyhpa biezy liata a eichhia lei awpa ta biepie mah y.

2 TIMAWTHY 4:1

Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

2 PITY 2:4

Vâlyuhchâpazy moleina hmo ama tao nona kha, Khazohpa ta âmo cha pahlôh leipa ta, hriena su liata thy ta, pachiana daihti a tlô hlâlei khaohtlô zohpa liata a khô chy ei.

ZUDÂH 1:6

Vâlyuhchâpazy chhao ama biehneina nata ama pahrâna su a siesaipazy cha, noh rônahpa pachiana noh tlôna taihta zohna hnabeidyna ry liata chhâzaw bâlia ta chahrypa ta y awpa ta Abeipa ta a soh chy ei.

BIEPHUAH 14:10

Khazohpa hiehâhna kresawhti patapa, a hiehâhna nyu liata khâpa hmah pahlao leipa ta patlaipa cha doh aw ei ta, vâlyuhchâpa pathaihpazy mohmô ta nata Mietakutaw mohmô liata mei nata kaih ta pasa pataosapa ama châ aw.