1 TIMAWTHY 5:10 - Mara Bible RV (BSI)

¹⁰ a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

1 TIMAWTHY 5:10 ပူးပေါင်းရင်းမြစ်များ

ÂTHAONA 18:4

Ti chyhta cha vaw lapa aw ei na ta, nama pheizy a si u la, tho ry liana he a pahâ chy teh u.

ÂTHAONA 19:2

Lawta ta, “Ei zibeipa saih u, ei châ haw ei, ngiachhiepa ta châ chakaotuhpa o liata vaw tlô u la, a rie u la, nama pheizy a si teh u. Mydi ta thyu aw ei chi ta, nama sie nawpa lâ cha si lah vâ ei chi,” tah ta. Âmo ta, “Châ vei, khiliah liata tlao eimâ rie aw,” tah ei ta.

ÂTHAONA 24:32

Chatanachata chakaotuhpa cha Lâbâ o lâ vawh ta, râraoseihpa hmophaopazy pathlâ ta. Râraoseihpazy cha sâhkô nata sahroh laozy pie ta, ano nata â chhipazy phei a si nawpa chhao ti y ta.

ÂTHAONA 43:24

Zawsi o avaotuhpa ta âmo cha Zawsi o chhôh lâ a chhi ta, âmo cha ti pie ta, ama pheizy a si ei ta, ama alâzy châta sahroh laozy pie ta.

HLAZY 119:4

Na pachuna biezy papua chi ta, A phapa ta zyh awpa ta bie na pie.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

THEIHTHAINA 25:35

“Na unawhpa a dyh vaw chhie sala, a châ vaw chhai khiahta cha, na deichhy awpa a châ. Khichhaipa nata khitlyhpa na deichhypa hawhta, na hnohta na paysa aw.

MATHAI 25:17

Cha hawhna hra chata talent miano a vaotuhpa chhao, talent miano papôhsa ta.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

LUKA 7:38

Mothlih chhaota a hnôh lâta a phei thaby liata a duah ta, chanô mothlih ta Zisu phei cha padâ khai ha ta. A mothlih cha a sâ ta hru ta, Zisu phei cha a pahnâ ta, sathaw ropahâhpa ta a pheizy cha thu ta.

LUKA 7:44

Chanô lâ a heih ta, Saimaw hnohta, “He chanô he na hmô ma? Nâ ta la na o liata a vaw ngia na ta, ei phei a si nawpa ti chhao na pie va chi. He chanô deikua heta a mothlih ta ei pheizy padâ ta, cha cha a sâ ta a hru.

HMOTAOPAZY 10:22

Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 22:12

“Cha liata chyhsa pakha, Anania ama tahpa y ta. Ano cha ryhpa bie hawhta Khazohpa a pachâpa nata cha liata Zu chyhsa a ypa zydua ta ama reithaipa a châ.

HMOTAOPAZY 6:3

Chavâta unawh saih u, nama hry liata Thlahpa nata sona ta a biepa, chyhsa moh phapa pasari a tlyh teh u, cha hmozy a pachâtuhpa châta âmo cha eima rao aw.

HMOTAOPAZY 9:36

Zôpâ liata Tâbi ama tahpa pachupa pakha y ta. A Krikâh moh cha Dawkâsi a châ. Cha chanô cha hmotao phapa nata hmopiepa ta chakaona kyh liata a piepasai ngaitapa châ ta.

HMOTAOPAZY 9:39

Pity cha thyu ta ama hnohta sie ta. O a tlô nahta, o chô chhôhpadâhpa lâ a chhi ei ta. Nôhmei zydua cha a kiapâh liata a duahpa ta, Dawkâsi a hro nota viahkao a biehpa nata chysia hropa a biehpazy pahmô ei ta, thata cha ei ta.

RAWMA 12:13

Mopathaihpa a phahlapazy deichhy u la, khichhai pasô muh vy.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

1 TIMAWTHY 2:10

Khazohpa a uasapa chanôzy châta a tobi awpa rakhapa ta a tobipa ta, hmo pha taopa ta tlao amâ tobi awpa ei khoh.

1 TIMAWTHY 3:2

Awnanopa chhituhpa cha seina hnei leipa, lapinô pakha a hneipa, a sohsi theipa, sasyh a vao pahniepa, zachhihpa, chyhsa papyupahly a thaipa, a pachu theipa,

1 TIMAWTHY 3:7

Cha dei châ vei, khôtho chyhsazy lia chhao ta moh phapa a châ awpa a châ. Chataleipatala reipachhiepa ta y aw ta, ahripa khoheih liata â ao pathlei aw.

1 TIMAWTHY 5:16

Ngiapâtuhpa chanô ta sanawh nôhmeizy a hnei khiahta cha, âmo cha ano ta deichhy mawh sy. Awnanopa phao a pahri awpa châ vei. Chatanachata Awnanopa ta nôhmei hmeiseihpazy a deichhy thei aw.

1 TIMAWTHY 5:25

Cha hawhna chata, hmo phapa cha a lâluah ta, a lâ mah leipazy chhao nyu theipa châ vei.

1 TIMAWTHY 6:18

Hmopha ama tao awpa châ ta, hmopha taona liata hneirôhpa ta, riaphapa ta, ama hneina mohropazy amâ chhaih hra awpa a châ.

2 TIMAWTHY 1:5

Ngiapâna hmeiseihpa a hneipa na châzie ei pahno. Cha ngiapâna cha na manô Lôisi liata y tua ta, na nô Unisi liata y heih ta, tahmâ nâma liata chhao a y tahpa a siapa ta ei pahno.

2 TIMAWTHY 2:21

Chavâta chyhsa ta hmobaoh sôh lei viapazy tawhta anosasyh â pathaisa khiahta cha, hmobaoh sôhpa vaw châ aw ta, hmobaoh pathaihpa châ awpa ta pananopa, Abeipa hmâ tlâhpa nata raihria phapa to châta a mâ chiehpa ta a ypa a châ aw.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

2 TIMAWTHY 3:17

Chatanachata Khazohpa chyhsa cha pakipa ta y aw ta, raihria phapa to châta tobipa ta a y aw.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

TITU 2:7

Kyh to liata hmo pha taona liata a mopâ awpa ta y la, na pachuna liata adona nata zachhihna palâsa mah y.

TITU 3:1

Ngiapâtuhpazy cha ryureituhpazy nata biehneituhpazy liata a ngiarih ei sala, reingiahpa ta, hmo pha tao a mâ awpa ta chho chanei mah y.

TITU 3:14

Eima chyhsazy cha pathei leipa ta ama y lei nawpa ta, bao ngiahpazy bao ei sala, hmo pha taona liata a hmâ lymâ awpa ta a chu mawh ei sy.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

HEBRAI 10:24

Kyhpachâna nata hmo pha taona liata kheihta ma tha eimâ pathyu raihrie thei aw tahpa pachâ tyh ei suh u.

HEBRAI 13:2

Khichhai chô liata phana papua awpa my khuh vy. Cha hawhta taopa ta, thokhazy ta pahno leipa ta vâlyuhchâpazy ama o liata ama patlôsa tyh.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 4:9

A pasô raihrie u la, paphôh khuh vy.

3 ZAWHÂNA 1:12

Demetia cha chyhsa to palyupalihna hlao ta, biehmeiseihpa chhao ta a palyupalih. Keimo chhao ta palyupalih pi ta, keimo palyupalihna cha â do tahpa na pahno.