1 TIMAWTHY 4:7 - Mara Bible RV (BSI)

⁷ Khazohpa nata a zao leipa phôhpa thlâhthlipazy nata nôpipazy biephôh liata pahâh leipa la, Khazohpa chyhsa châ awpa ta nâmasasyh ta a hrie mah y.

1 TIMAWTHY 4:7 ပူးပေါင်းရင်းမြစ်များ

HMOTAOPAZY 24:16

Chavâta Khazohpa nata chyhsapa lâta chhie nata pha pahnona pathaihpa hnei awpa khâ ei chhuah tyh.

1 TIMAWTHY 1:4

Phôhpa nata thyutôna kyh a laichadai tiah leipazy reina liata ngosiah thlâh lei awpa ta biepie awpa ta ei châ haw hra. Cha hawhpa biezy reipa cha ngiapâna kyh liata Khazohpa raihria thapatlôtuhpa châ leipa ta, aeichhiana a taotuhpa tlao a châ.

1 TIMAWTHY 1:9

Ryhpa cha chyhsa dopazy châta taopa châ leipa ta, ryhpa â papeisa leipa nata reingiah leipazy, Khazohpa a pachâ leipa nata moleipazy, pathaih leipa nata zyhna kyh a pachâ leipazy, nô nata paw a thiepazy, lianycheihpazy,

1 TIMAWTHY 2:10

Khazohpa a uasapa chanôzy châta a tobi awpa rakhapa ta a tobipa ta, hmo pha taopa ta tlao amâ tobi awpa ei khoh.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

1 TIMAWTHY 6:20

Hy Timawthy, na mohôh awpa ta nâ liata pavaosapa kha a phapa ta vaih mah y. Â doleipa ta “pahnona” ama tahpa Khazohpa a hlao leipa bie sisaw leipa reipa nata saizie a lyu leipa hmozy liata aeichhianazy a hneisai tyh mah y.

1 TIMAWTHY 6:3

Ahy rai biezyhpa hropa pachupa ta, eima Beipa Zisu Krista biedopa nata Khazohpa khozie hawhta hroh awpa pachunazy â pyh vei khiahta cha,

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

2 TIMAWTHY 2:16

Khazohpa a hlao leipa bie sisaw leipa reipazy a hneisai mah y. Cha hawhpa biezy chata chyhsazy Khazohpa pachâ leina lâ a chhi via rili aw ta,

2 TIMAWTHY 2:23

Aeichhiana hrupa nata phahnai leipazy cha ahryusina a papua tyh tahpa pahno chi ta, chavâta cha hawhpa liata a hlaohli khah y.

2 TIMAWTHY 3:12

Hmeiseih ta la, Khazohpa khozie hawhta Krista Zisu liata hro a chhuahpa zydua cha taolana amâ tyh aw.

2 TIMAWTHY 3:5

Khazohpa chyhsa hawhta a lâ aw ei ta, châhrasala a hmotaotheina deikua zo aw veih ei. Cha hawhpa chyhsazy cha a heihsai mah y.

2 TIMAWTHY 4:4

Ama nahzy cha biehmeiseihpa lâ pahei leipa aw ei ta, phôhpazy lâ ama pahei aw.

TITU 1:14

Zuzy phôhpa nata biehmeiseihpa a heisaituhpa biepiepazy cha uasa lei awpa ta âmo cha chhorei hra mah y.

TITU 2:12

Cha chata Khazohpa pachâ leina nata khizaw aohraohnazy bâhsaipa ta, tahmâhlâ khizaw liana heta asohsipa nata asiapa nata Khazohpa pachâna hro hrokhei awpa ta miah pachu ta,

TITU 3:9

Aeina hrupazy, thyutônazy, achakhianazy nata ryhpa kyh liata ahryunazy a hneisai lymâ mah y. Athôhna a y leipa nata hraoleipa hmozy a châ.

HEBRAI 5:14

Pati hmeiseihpa deikua cha, pitlohpazy châta châ ta, pati hmeiseihpa nie amâ chu lymâpa vâta, chhie nata pha pahrua thaina a hneipa pitlohpazy ama châ.