1 TIMAWTHY 4:3 - Mara Bible RV (BSI)

³ Nôvah ahneina pakhâ ei ta, biehmeiseihpa pahnotuhpa nata ngiapâtuhpazy ta alyna bie reina chôta nie awpa Khazohpa ta a taopa niedozy nie lei awpa ta bie ama pie.

1 TIMAWTHY 4:3 ပူးပေါင်းရင်းမြစ်များ

ÂTHAONA 9:3

Hmohrohneipa a pielyu theipa maih nama nie awpa châta a châ aw. Âhnalasi hrohpa ei cha piepa hawhna ei heta, hmo to zydua ei cha pie khai ei.

BIECHHOTUHPA 5:18

Moh teh u, hmo phapa nata a hmiepa ta ei hmôpa cha, chyhsa ta niepa ta doh ta, Khazohpa ta a piepa noh chyhta a hnei chhôh ta, noh ry liata a hriapasana zydua liata alyna a hnei awpa he a châ. Cha cha a tovyuh a châ.

DÂNIAH 11:37

Ano pathlatuhzy khazohzy uasa leipa aw ta, chanôzy ta ama tlaichhai kawpa khazoh chhao uasa hra aw vei. Khazoh kheihawhpa hmah uasa aw vei, âmo zydua hlâta rônah viapa ta â tao awpa vâta.

MATHAI 14:19

Zawpizy cha sibiepa chô liata a tyuh awpa ta biepie ta, viahchhâ tlâ pangawh nata ngasa miano cha la ta, avâ lâ moh ta, byhnâ aw ta. Chatawhcha viahchhâ cha eichheih ta a pachupazy hnohta pie ta, pachupazy ta zawpizy cha rai ei ta.

MATHAI 15:11

Pakah liata a ngiapa ta chyhsa papuapalei leipa ta, pakah tawhta a puapa ta chyhsa a papuapalei tyh,” tah ta.

MATHAI 15:36

viahchhâ tlâ sari nata ngasazy cha la ta, alyna bie a rei khai nahta, eichheih ta, a pachupazy hnohta pie ta, pachupazy ta zawpizy cha rai ei ta.

LUKA 24:30

Pati nie awpa ta ama hnohta tlâhkhai liata a dôh nahta, viahchhâ la ta, byhnâ aw ta, pachhaih ta, ama hnohta pie ta.

ZAWHÂNA 6:23

Abeipa ta alyna bie a rei khai nahta viahchhâ ama niena su kiapâh liana kha Taibiria balyh hropazy vaw tlô ei ta.

HMOTAOPAZY 27:35

Cha bie cha a rei khai nahta, viahchhâ la ta, chyhsa zydua hmiakô liata Khazohpa lâta alyna bie reih ta, pachhaih ta, nie ta.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RAWMA 14:3

Ato a niepa ta a nie leipa mohnao khah sy. A nie leipa chhao ta, a niepa sei khah sy. Khazohpa ta ano cha â pyh ha mâh tâh.

RAWMA 14:6

Noh a chaypa cha Abeipa palyupalih nawpa ta a chaypa a châ. Ato a niepa chhao, Abeipa palyupalih nawpa ta nie ta, Khazohpa lâta alyna bie a hlâ tyh. Nie a taihpa chhao, Abeipa palyupalih nawpa ta a taih ta, Khazohpa lâ alyna bie a hlâ tyh.

1 KAWRINI 6:13

“Niepa cha py châta châ ta, py cha niepa châta a châ,” châhrasala Khazohpa ta a pahleipadia raihrie aw. Pôhpa he apatlana moleina châta châ leipa ta, Abeipa châta tlao a châ, Abeipa chhao pôhpa châta a châ.

1 KAWRINI 7:28

Lapinô na hneipa chhao ta, hmo parao va chi. Laihsa kôpa ta vahpa a hneipa chhao ta, hmo parao hra vei. Châhrasala nôvahzy cha khizaw rairunazy amâ tyh awpa vâta, cha rairunazy cha nama khôkhâh awpa ei khoh.

1 KAWRINI 8:8

Niepa ta Khazohpa miah pahniasa vei. Eima nie leipa vâta chhie via leipa pi ta, eima niepa vâta pha via hlei ma pi.

KAOLAOSÂ 2:16

Chavâta nie kyh ta tlyma, do kyh ta tlyma, chaypi kyh ta tlyma, thla thieh kyh ta tlyma, Pahânoh kyh ta tlyma, ahy hmahta cha sei khah ei sy.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

1 TIMAWTHY 2:4

Khazohpa ta chyhsa zydua pachha ama châ khai awpa nata biehmeiseihpa ama pahno khai awpa a khoh.

1 TIMAWTHY 4:4

Khazohpa hmotaopa to cha pha ta, alyna bie reina chôta daopa a châ khiahta cha, khâpa hmah dytha awpa châ vei.

1 TIMAWTHY 5:14

Chavâta nôhmei hawti viapazy cha, dyhchâ ei sala, sawzy hneipa ta, ama chhôhkhazy mohôh ei sala, sei nawpa rypaohpa khakhaipa hnohta ama pie lei awpa ei khoh.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

1 SAMUELA 9:13

Khihpi namâ ngiapa nahta, su sâhpa liata pati nie awpa ta a khy hlâta, ano cha thlai nama hmô aw. Atheihna châta byhnâ a aw ha tua awpa a byuhpa vâta, ano a tlô hlâlei cha zawpi ta pati nie aw veih ei. Cha khai tawhta hrua eihpazy ama nie tyh. Chavâta khy para u la, thlai nama hmô aw,” tah ei ta.