Ryureituhpazy hnohta, “Nama hmotaopazy pakhâta ta pachâ u la, tao tyh muh vy. Chyhsapa châta ryu a reihpa châ leipa ei chi ta, Abeipa châta ryu a reihpa nama châ. Ryureina liata Abeipa nama hnohta â hlao lymâ.
Cha hawhna hra chata ei bie chhao, Ei pakah tawhta pua aw ta; Aruapa ta kei lâ vaw kua aw vei. Ei chhuahpa patlô aw ta, Ei tuana chhâpa rai a pangoh aw.
Ei ryureina liata â duah hrapa châ ei sala cha, Ei phopi hnohta ei bie phuah aw ei ta, Ama lâpi doleipa tawhta pakuasapa ta, Ama hmotaopa doleipazy tawhta ama pakuasa ha awpa tlai.
“Châhrasala a hrohrua teh u. Ryureituhpazy cha patusa aw ei ta, pakhyna ozy liata cha chhei aw ei ta, keima vâta ryureituhpazy nata abeizy hmiakô liata a duah aw ei chi ta, ama hmiakô liata pahnotuhpa châ awpa ta namâ duah aw.
“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.
Châhrasala Khazohpa tawhta baona ei hmôpa vâta, tanoh taihta a châhkhei lymâ thei na ta, he liata chhao a duah na ta, chyhsa nawhpazy nata molaipazy hmiakô liata ei châhkhei theipa he a châ. Hrohsopazy nata Mawsi ta a vaw tlô awpa ama reipazy dei leipa ta, bie hropa khâpa hmah reih va na.
Unawh saih u, biezyhpa eima cha pachupa chakhiapa ta, achhaihna taopa ta, paona châ sokhâhtuhpazy tawhta a vaih awpa ta ei châ haw ei. Âmo cha a kâsai teh u.
Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.
Chiehleipazy ei pahnie thei nawpa ta, chiehleipazy hnohta chiehleipa hawhta ei y tyh. Kheihawhta chhâ ma chyhsa thokha ei pachha thei nawpa ta, chyhsa zydua hnohta ato châpa ta ei y tyh.
Mohropazy thâtihpha ei chho khai tawhta, keima chaipa he lymâ hmô tlâh leipa ei châ pathlei lei nawpa ta, ei pôhpa he a vaopahnie na ta, ei biehneina ry liata ei soh tyh.
Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.
Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.
Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.
Awnanopa chhituhpa cha biezyhpa dopa a pachu thei awpa châ ta, biezyhpa dopa chakhiatuhpazy a padei thei nawpa ta, pachuna dopa â ipa ta a patu awpa a châ.
He bie he kei Pawla ta, keima ku tlai ta ei ropa a châ, keima ta ei cha thô aw. Nâ ta keima liata a bâhpa na hneipa, na pôhpa tlai chhao einâ bâhpa chi, ei tahna deikua la châ vei.
Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.
Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.