1 TIMAWTHY 3:4 - Mara Bible RV (BSI)

⁴ A chhôhkha khihsatôhtu a phapa ta mohôh thei ta, a sawzy ta zapa ta a rei amâ ngiahpa a châ awpa a châ.

1 TIMAWTHY 3:4 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

HMOTAOPAZY 10:2

Kawnilia cha Khazohpa a pachâpa chyhsa châ ta, a chhôhkha zydua chhao Khazohpa a chipa châ ei ta, chyhsa rietheipazy riapha ngaitapa ta baona a pie tyhpa châ ta, Khazohpa lâ thlah khâ a chhâ tyhpa a châ.

EPHESI 5:24

Awnanopa ta Krista liata â ngiarihpa hawhta, lapinôzy chhao ato liata ama vahpazy liata amâ ngiarih awpa a châ.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

1 TIMAWTHY 3:12

Chakaotuhpazy cha lapinô pakha dei a hneipa ama châ awpa châ ta, ama sawzy nata ama chhôhkha khihsatôhtuna a phapa ta mohôh theipa ama châ awpa a châ.

TITU 1:6

Awnanopa chhituhpa châ awpa ta cha, seina hnei leipa, lapinô pakha a hneipa, a sawzy nôchhiepa nata reingiah leipa châ leipa ta, ngiapâtuhpa ama châ awpa a châ.

TITU 2:2

Pawhrâhpazy cha palôh pasohpa, zachhihpa, a sohsi theipa, ngiapâna patapa, kyhpachâna a hneipa nata daotheipa chyhsazy châ awpa ta pachu mah y.

TITU 2:7

Kyh to liata hmo pha taona liata a mopâ awpa ta y la, na pachuna liata adona nata zachhihna palâsa mah y.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.