1 TIMAWTHY 3:15 - Mara Bible RV (BSI)

¹⁵ vaw hawh pathlei mawh sah la, Khazohpa chhôhkha liata kheihta y awpa ma a châ tahpa na pahno thei nawpa ta ei vaw ropa a châ. Khazohpa chhôhkha cha Khazohpa hrohpa Awnanopa châ ta, cha cha bie hmeiseihpa tôh nata abôna a châ.

1 TIMAWTHY 3:15 ပူးပေါင်းရင်းမြစ်များ

1 ABEIZY 2:2

“Khizaw ryhpa hawhta, kei chhao ei sie nawpa daihti â hnia haw. Thatlôpa ta y la, chapawsaw kawpa ta y mah y.

1 ABEIZY 2:4

Chatanachata Abeipa ta keima kyh liata, ‘Na pathlazy ta ama lâpi pakhâta ta pachâ ei sala, ama pathipalôh tlokhuh ta nata ama thlahpa tlokhuh ta ei hmiakô liata ngâchhihpa ta ama y khiahta cha, Izarei beidyuchhai liata a tyuh awpa chie aw veih ei,’ tahpa ta a reipa kha a pa-i aw.

2 ABEIZY 19:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake bie zydua kha, Abeipa na Khazohpa ta thei ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta.

1 THÂTIHZYRONA 22:13

Abeipa ta Mawsi hnohta Izarei châta bieraopa nata pachiana a piepazy kha na zyh khiahta cha, thlaochhipa ta na y lymâ aw. Thatlôpa nata riahphapa ta y mah y. Chi leipa la, ngiaroh khah y.

HLAZY 42:2

Ei hro he Khazohpa vâpa ta a dâhphi ta, Khazohpa hrohpa vâpa ta a dâh a phi. Khati ta ma sie aw sah la, Khazohpa hmia ei hmô aw tly?

HLAZY 84:2

Ei hro ta Abeipa dôhpachhôh tlyhmiazy vâ ngaita ta, A panao khai haw; Ei palôh nata ei sapa zy ta, Kha­zohpa hrohpa lâ alyna hla ama sa.

ZEREMIAH 1:18

Pachâ teh, he noh liana heta Zudâh râh zydua châta thokhy khihpi ta cha tao na ta, thua tôh nata dawh thokhyzy ta ei cha tao. Zudâh beizy, a beimachâzy, a theihthaipazy nata râhsawzy châta thokhy khihpi châ aw chi ta, thua tôh nata dawh thokhyzy na châ aw.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

ZEREMIAH 23:36

Chyhsa to châta âmo bie cha âmo phaohri châ ta, Khazohpa hrohpa, Pheisaihzy Abeipa eima Khazohpa biezy anoleipa lâta nama hmâpa vâta, ‘Abeipa phaohri,’ tahpa deikua reih khao aw veih ei chi.

DÂNIAH 6:26

Ei ryureina râh zydua liata chyhsazy ta Dâniah Khazohpa hmiakô liata chipa ta a chalyu awpa ta biepiepa ei tao. “Ano cha Khazoh hrohpa châ ta, Tlyzaw ta a ypa a châ; A khinarâh paraopa châ beih leipa aw ta, A ryureina ta chhâna noh hnei aw vei.

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

MATHAI 16:16

Saimaw Pity ta, “Mesia, Khazohpa hrohpa Sawchapawpa na châ,” tahpa ta a chhy ta.

MATHAI 18:18

“Hmeiseihta ta ei cha chho ei, alei chô liata nama chahrypa maih vârâh liata chahrypa châ aw ta, alei chô liata nama pathlâpa maih vârâh liata pathlâpa a châ hra aw.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 18:37

Pilâ ta a hnohta, “Cha khiah, abei ma na châ?” tah ta. Zisu ta a chhy ta, “Nâ ta abei na châ eina tah chi cha zaw. Biehmeiseihpa pahnosa awpa ta a pihpa châ na ta, biehmeiseihpa pahnosa awpa ta khizaw lâ â zupa ei châ. Ahy rai bie hmeiseihpa liata a ypa maihta ei bie ama zyh tyh,” tah ta.

ZAWHÂNA 6:69

keimo chhao ta châ ngiapâ pi ta, Khazohpa Mopathaihpa na châ tahpa eima pahno haw,” tah ta.

HMOTAOPAZY 1:2

lyuhchâpa â tlyhpazy hnohta Thlahpa Pathaihpa hmâpa ta bie a pie khai nahta, vârâh lâ chhihthapa ta a yna noh taihta ei roh.

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

RAWMA 9:26

“‘Ei phopi châ veih ei chi,’ a tahna su liata, ‘Khazohpa hroh sawzy,’ bipa ama châ aw.”

1 KAWRINI 10:32

Zuzy chhao, Krikâhzy chhao, Khazohpa Awnanopa chhao, amâ hlua nawpa hmo khâpa hmah tao khuh vy.

1 KAWRINI 3:16

Khazohpa Achhyna o châ ei chi ta, Khazohpa Thlahpa nâmo liata a pahrâ tahpa pahno veih ei chi mâ?

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

2 KAWRINI 6:7

bie hmeiseihpa reina liata zy, Khazohpa hmotaotheina liata zy, chachâh lâ nata chavei lâta siana chaihrai chabana liata zy;

KALATIA 2:9

Ei hnohta piepa ngiachhiena cha, Awnanopa tôhtlâh ta pachâpa Zâmie nata Kephâ nata Zawhâna zy ta ama pahno nahta, âmo cha chopawtaipazy lâ sie aw ei ta, Bânabâ nata kei cha Zenitaizy lâ sie awpa ta akaona ku chachâh lâ miah ama hlâ.

KALATIA 3:1

Hy Kalatia mo ahrupa saih u! Ahy ma châ dyu ei? Nama mohmô lia tlai ta, Zisu Krista cha khaipâpa ta a ypa a siapa ta palâsapa a châ.

EPHESI 4:21

A thâtih thei ei chi ta, Zisu liata biehmeiseihpa a ypa hawhta, ano liata pachupa nama châ.

RYHPACHANEINA 31:23

Abeipa ta Nunâ sawchapawpa Zawsua cha biehneina pie ta, a hnohta, “Thatlôpa nata riahphapa ta y teh. Izarei sawzy he ama hnohta bie ei taihpa râh nâ ngiakhei aw ei. Na hnohta ei y lymâ aw,” tah ta.

RYHPACHANEINA 5:26

Keimo ta mei hry tawhta Khazohpa hrohpa bie reipa ao eima theipa hawhta thei ta, châhrasala a hrohpa chyhsa zydua hry liata ahy ma a y?

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

1 THYSALAWNIKA 1:9

Eima cha vaw tly nota miah namâ lyzie nata Khazohpa hrohpa nata dopa chakao awpa ta nothlahpazy tawhta Khazohpa lâ namâ heih hapa kyh miah chho ei ta,

1 TIMAWTHY 3:14

Nâ lâ a vy patoh awpa ei chhuah. He hmozy kyh liata châpaphaopa ei vaw rona chhâpa deikua cha,

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

1 TIMAWTHY 3:2

Awnanopa chhituhpa cha seina hnei leipa, lapinô pakha a hneipa, a sohsi theipa, sasyh a vao pahniepa, zachhihpa, chyhsa papyupahly a thaipa, a pachu theipa,

1 TIMAWTHY 3:5

Ano chhôhkha khihsatôhtuna hmahta a phapa ta a mohôh thei vei khiahta cha, kheihta ma Khazohpa Awnanopa cha a mohôh thei aw?

1 TIMAWTHY 4:10

Khazohpa hrohpa liata eima hnabeiseihna eima sopa vâta, hriapasa pi ta, eima tei lylia. Ano cha chyhsa zydua Pachhatuhpa châ ta, ano ngiapâtuhpazy Pachhatuhpa a châ pachai.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

2 TIMAWTHY 2:20

O rônahpa liata tâkâ nata ngôh ta taopa hmobaohzy dei y leipa ta, tho nata beihlei ta taopazy chhao a y. Thokha sôh via ta, thokha a sôh lei via.

HEBRAI 10:21

Chatanachata Khazohpa chhôhkhazy chô liata theihthai rônahpa eima hneipa vâta,

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?

BIEPHUAH 7:2

Vâlyuhchâpa hropa pakha, Khazoh hrohpa chahnaona a chabapa nochhi lâ tawhta a vaw puapa hmô na ta. Ano chata vâlyuhchâpa papalih, alei nata tilaipi parao theina biehneina piepazy hnohta ao paro ngaitapa ta,

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.