1 TIMAWTHY 3:11 - Mara Bible RV (BSI)

¹¹ Cha hawhna chata chanôzy chhao chyhsa zachhihpa, chyhsa kyh a reih leipa, a sohsi theipa nata ato liata ngâchhihpa ama châ awpa a châ.

1 TIMAWTHY 3:11 ပူးပေါင်းရင်းမြစ်များ

HLAZY 101:5

Ahy rai arulâta a vaih a leihtuhpa cha, Ei pahleipadia aw. Ahy rai a mo â sâhpa nata palôh laipa cha, Chhyh thai aw va na.

HLAZY 15:3

A paleih ta kyh rei a hmâh leipa, A vaih chô liata hmo chhiepa a tao leipa, Â doleipa ta a viasa a reipachhie leipa;

HLAZY 50:20

A tyuh chi ta, na unawhpa reipasipasua chi ta, Na nô sawchapawpa cheingei na reipachhie.

BIESOZY 10:18

Ahaona a phihtuhpa cha hmao haihthaipa hnei ta, Kyh reina bie a papuapa cha ahrupa a châ.

BIESOZY 25:13

A tuahtuhpa châta lyuhchâpa ngâchhihpa cha, Sâh hria daihti liata dâhaw chakuapa hawhta châ ta, A zibeipazy hro a palysa tyh.

ZEREMIAH 9:4

“Chyhsa to ama vaih tawhta a vaih ei sala, Ama unawhpa chhao ngâ khah ei sy. Unawh to dôvei a hmâhpa sai châ ei ta, Vaihzy chhao kyh rei a thaipa sai ama châ.

EZEKIA 44:22

Nôhmei tlyma, mapa chanô tlyma, lapinô ta ama hnei awpa châ leipa ta, Izarei pathla laihsa kôpa tlyma, theihthaipa ta a thisaipa nôhmei tlyma deita ama hnei awpa a châ.

THEIHTHAINA 21:7

Theihthaipa cha a Khazohpa châta chyhsa pathaihpa a châpa vâta, âzuahnô tlyma, chanô papuapalei hapa tlyma ama hnei awpa châ vei. A vahpa nata a chhaihpa chanô chhao ama hnei awpa châ vei.

MATHAI 4:1

Cha khai tawhta Zisu cha ahripa ta a reipasao awpa ta, Thlahpa ta râhchawhpa lâ a chhi ta.

ZAWHÂNA 6:70

Zisu ta ama hnohta, “Nâmo pahrawh hleinozy chi he, keima ta ei châ tlyhpa châ veih ei chi ma? Châhrasala nama hry liata pakha cha ahripa a châ,” tah ta.

RAWMA 1:29

Chatanachata sialeina chi to, apatlana, chhoruna, karâyna nata kiaphaona zy ta bie ei ta, hiatliana, lianycheina, ahryuna, dôveina, nôchhiena nata kyhchhie reina zy ta ama bie.

1 TIMAWTHY 1:12

Ngâchhihpa ta na pachâ ta, ano chakao awpa ta na rao ta, thatlôna nâ pietuhpa eima Beipa Krista Zisu hnohta alyna bie ei reih.

1 TIMAWTHY 3:2

Awnanopa chhituhpa cha seina hnei leipa, lapinô pakha a hneipa, a sohsi theipa, sasyh a vao pahniepa, zachhihpa, chyhsa papyupahly a thaipa, a pachu theipa,

1 TIMAWTHY 6:2

Ngiapâtuhpa zibeipa a hneipazy ta, Krista liata unawh ama châpa vâta, ama zibeipazy ama hno awpa châ leipa ta, ama chakaona a thôhkheituhpazy cha ngiapâtuhpa nata kho ngaitapazy ama châpa vâta, a pha viapa ta ama chakao rili awpa a châ. He biezy he pachu la pasyu mah y.

2 TIMAWTHY 3:3

kyhpachâna a pikhei leipazy, aryhna a tao khoh leipazy, haipa ta chyhsa leih hmâhpazy, a sohsi thei leipazy, nôchhiepazy, hmo pha a khoh leipazy,

2 TIMAWTHY 4:5

Nâ deikua cha, ato liata a sohsi la, riethei tao la, thâtihpha chhotuhpa rai hria la, na chakaona patlô mah y.

TITU 2:3

Nôhrâhpazy chhao, ama yzie liata Khazohpa a chizapa, chyhsa kyh a reih leipa nata kresawhti sei ta y leipa ta, hmo phapa pachutuhpazy châ awpa ta pachu mah y.

TITU 3:2

Ngiapâtuhpazy cha ahy hmah ama reipachhie awpa châ leipa ta, ahryusina amâ hneisai awpa a châ. Nônai kawpa ta y ei sala, chyhsa zydua chô liata areisina dopa ama palâsa awpa a châ.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.