1 TIMAWTHY 2:7 - Mara Bible RV (BSI)

⁷ Cha châna chata biechhotuhpa nata lyuhchâpa ta raopa châ na ta, biehmeiseihpa nata ngiapâna kyh liata Zenitaizy pachutuhpa ta raopa ei châ. Biedopa ei reih, haih va na.

1 TIMAWTHY 2:7 ပူးပေါင်းရင်းမြစ်များ

HLAZY 111:7

A ku raihriazy ngâchhihpa nata adopa châ ta, A pachuna zydua ngâ tlâhpa a châ.

BIECHHOTUHPA 1:12

Kei, Biechhotuhpa he Izarei chô liata Zerusale liata bei châ na ta.

BIECHHOTUHPA 7:27

Moh teh u, hmo yzie pahno awpa ta, hmo miakha tawhta miakha ei tlua laih nota ei hmôpa cha he he a châ, biechhotuhpa ta a tah.

ZAWHÂNA 7:35

Zuzy cha âmo nata âmo ta, “Eima hmô thei lei nawpa ta, he chyhsa he khataih lâ ma a sie aw tly? Krikâh chyhsa paipatlapazy lâ siepa ta, Krikâh mo pachu â chhuahpa ma a châ tly?

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

HMOTAOPAZY 22:21

Châhrasala Abeipa ta, ‘Sie mah y, lâhlapi ta Zenitaizy lâta ei cha tuah aw,’ na tah ta,” tah ta.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 10:14

Cha khiahta la, amâ ngiapâ leipa cha kheihta ama pado thei aw? Ama thei beih leipa cha kheihta amâ ngiapâ thei aw? Biechhotuhpa y leipa ta kheihta ama thei thei aw.

RAWMA 11:13

Tahmâ nâmo, Zenitaizy hnohta ei reih. Zenitaizy lyuhchâpa ei châpa he, rônah ei tah ngaita.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

RAWMA 9:1

Krista liata biehmeiseihpa ei reih, haih va na. Ei chhie nata pha pahnona ta Thlahpa Pathaihpa liata eina pahnokhei.

1 KAWRINI 9:1

Khotalaipa châ va na mâ? Lyuhchâpa châ va na mâ? Eima Beipa Zisu hmô ha va na mâ? Nâmo cha Abeipa liata ei raihria theilâpa châ veih ei chi mâ?

2 KAWRINI 11:31

Abeipa Zisu Krista châta Khazohpa nata Paw a châpa, chhâzaw ta reithaipa Khazohpa ta haipa bie ei rei leizie a pahno.

KALATIA 1:16

Zenitaizy hry liata a thâtihpha ei chho thei nawpa ta, Khazohpa ta a Sawchapawpa cha palôhtlâh ngaitapa ta kei liata a vaw paluahsa. Kha nona kha ahy hmah a saohiah veih ei na.

KALATIA 1:20

Châ ei cha vaw paphaopa ei he haipa bie châ vei tahpa Khazohpa hmiakô liata bie ei taih.

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

KALATIA 2:9

Ei hnohta piepa ngiachhiena cha, Awnanopa tôhtlâh ta pachâpa Zâmie nata Kephâ nata Zawhâna zy ta ama pahno nahta, âmo cha chopawtaipazy lâ sie aw ei ta, Bânabâ nata kei cha Zenitaizy lâ sie awpa ta akaona ku chachâh lâ miah ama hlâ.

KALATIA 3:9

Chavâta ngiapâna liata a ypazy cha, ngiapâpa chyhsa Abarahâ hnohta byhnâ patosapa ama châ.

2 TIMAWTHY 1:11

Cha thâtihpha châta biechhotuhpa nata lyuhchâpa nata pachutuhpa ta raopa ei châ.

2 PITY 2:5

Ano a uasa leipazy yna khizaw liata tipa-ua a patlôsa nona kha, Khazohpa ta hlâno khizaw kha pahlôh leipa ta, siana bie a chhotuhpa Nôah nata mohropa pasari deita a pahlôh ei.