1 TIMAWTHY 2:4 - Mara Bible RV (BSI)

⁴ Khazohpa ta chyhsa zydua pachha ama châ khai awpa nata biehmeiseihpa ama pahno khai awpa a khoh.

1 TIMAWTHY 2:4 ပူးပေါင်းရင်းမြစ်များ

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

EZEKIA 18:23

Moleipa thina cha ei lyna a châ hlei rai ma? A lâpi a heihsai sala, a hroh awpa cha, ei lyna tlao châ hri vei ma? Abeipa Zehôvâh ta a tah.

EZEKIA 18:32

Ahy thina liata hmahta a ly va na. Chavâta, a palie u la, hroh teh u,” Abeipa Zehôvâh ta a tah.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

LUKA 1:77

A chyhsazy moleina a ngiahthaipa ta, Pachhana pahnona pie awpa ta,

LUKA 14:23

Zibeipa ta chakaotuhpa hnohta, ‘Pua la, lâlai nata khih chaki lâ zy vawh la, ei o biena taihta chyhsazy a vaw ngia awpa ta kei reipasao lylia teh.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 17:17

Âmo cha biehmeiseihpa ta pathaisa mah y. Na bie cha biehmeiseihpa a châ.

ZAWHÂNA 6:37

Paw ta eina piepa maih kei lâ amâ vy khai aw. Ahy rai kei lâ a vypa maih cha dytha cheita aw va na.

RAWMA 11:14

Chatanachata ei chiheih Zu chyhsazy hia patliasapa ta, khazie chhâ ma pachha thei aw veih ei na ma ei tah.

1 TIMAWTHY 4:10

Khazohpa hrohpa liata eima hnabeiseihna eima sopa vâta, hriapasa pi ta, eima tei lylia. Ano cha chyhsa zydua Pachhatuhpa châ ta, ano ngiapâtuhpazy Pachhatuhpa a châ pachai.

2 TIMAWTHY 2:25

Khazohpa ta ano a dyuhtuhpazy chhao parosa thei ta, biehmeiseihpa pahnona lâ â chhi thei ei tahpa a ngiapâpa ta, Abeipa chakaotuhpa cha nônai kawpa ta taopathina rai a hria awpa a châ.

2 TIMAWTHY 3:7

A chu ngâ thlâh tlôh ta, châhrasala biehmeiseihpa a pahno thei beih leipazy ama châ.

TITU 1:1

Kei, Pawla he Khazohpa ta â tlyhpa chyhsazy angiapâna châta nata Khazohpa pachâna lâ a chhihthapa biehmeiseihpa pahnona châta Khazohpa chakaotuhpa nata Zisu Krista lyuhchâpa ei châ.

TITU 2:11

Khazohpa ngiachhiena cha a vaw luah ha ta, chyhsa zydua hnohta pachhana a vaw tlôkhei haw.

HEBRAI 10:26

Biehmeiseihpa pahnona eima hnei ha tawhta eima molei raruah lymâ khiahta cha, moleinazy châta atheihna y khao vei.

ZÂMIE 3:14

Nama palôh liata hiatlia pasa kawpa nata khohlei khona a hneipa nama châ khiahta deikua cha, nama sona cha a palaikhei leipa u la, biedopa a dyuhpa ta haipa bie reih khuh vy.

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.

2 ZAWHÂNA 1:1

Awnanopa chhituhpa ta biehmeiseihpa liata kyh ei pachâpa chanô atlyhpa nata a sawzy ei châ naoh ei. Keima dei châ leipa ta, biehmeiseihpa a pahnopa zydua ta ama châ naoh hra.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.