1 TIMAWTHY 2:2 - Mara Bible RV (BSI)

² Thlalôhpa nata chhôhmohpa ta ypa ta, Khazohpa a pachâpa nata zachhihpazy eima châ lymâ thei nawpa ta, beizy nata biehneituhpa zydua châta thlahchhâ tyh awpa ta ei châ haw ei.

1 TIMAWTHY 2:2 ပူးပေါင်းရင်းမြစ်များ

2 SAMUELA 20:19

Kei he Izarei liata aryhna a khohpa nata chyhsa ngâchhihpazy hry liata a hlaopa ei châ. Nâ deikua cha Izarei nô a châpa khihpi parao nâ chhuah. Abeipa ryuto he khazia parao khai ha awpa nâ chhuah tly?” tah ta.

EZRÂ 6:10

Chatanachata avâ Khazohpa a palysapa atheihnazy hlâ aw ei ta, abei nata a sawchapawzy hrona châta thlah ama chhâ tyh aw.

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

HLAZY 72:1

Hy Khazohpa, abei hnohta na ryureina dopa pie la, Abei sawchapawpa hnohta na siana pie mah y!

BIESOZY 24:21

Ei sawchapawpa y, Abeipa chipa ta abei chhao chi la, Cha hawhta a y leipazy cha a pahlao khah y.

ZEREMIAH 29:7

Sei ta ei cha tuana ei khihpi pha nawpa tlua u la, cha khihpi phana cha nâmo phana a châ awpa vâta, khihpi châna chata Abeipa lâ thlahchhâ muh vy.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

HMOTAOPAZY 10:22

Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 24:16

Chavâta Khazohpa nata chyhsapa lâta chhie nata pha pahnona pathaihpa hnei awpa khâ ei chhuah tyh.

RAWMA 12:18

Tao theipa a châ khiahta la, nâmo lâ tawh chhâ ta chyhsa zydua nata a ryhpa ta y teh u.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

1 THYSALAWNIKA 4:11

Eima cha chho hapa hawhta, a chalihpa ta hro a chhuah u la, nama rai chyu hriapa ta, nama ku tlai ta hria a chhuah teh u.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.