1 TIMAWTHY 2:1 - Mara Bible RV (BSI)

¹ A hmiatua ta, hmo hiapa thlahchhânazy, thlahchhâna sôpipazy, chyhsa châta thlahchhâna nata alyna bie reina thlahchhânazy chyhsa zydua châta tao awpa ta ei châ haw ei.

1 TIMAWTHY 2:1 ပူးပေါင်းရင်းမြစ်များ

EZRÂ 6:10

Chatanachata avâ Khazohpa a palysapa atheihnazy hlâ aw ei ta, abei nata a sawchapawzy hrona châta thlah ama chhâ tyh aw.

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

ZEREMIAH 29:7

Sei ta ei cha tuana ei khihpi pha nawpa tlua u la, cha khihpi phana cha nâmo phana a châ awpa vâta, khihpi châna chata Abeipa lâ thlahchhâ muh vy.

HMOTAOPAZY 17:30

Pahno leina daihtizy kha cha Khazohpa ta pahno lei â pachâ tyh, tahmâ deikua cha su to liata chyhsa zydua ro awpa ta bie a pie haw.

RAWMA 1:8

A hmiatua chai ta, namâ ngiapâna kyh Khizaw zydua liata a pathâhpa vâta, nama zydua châta Zisu Krista moh ta ei Khazohpa lâ alyna bie ei reih.

RAWMA 6:17

Châhrasala Khazohpa cha reithaipa ta y mawh sy! Nâmo, eikhano ta moleina sei a châ tyhpazy chi kha, ama pachunazy palôh hmeiseihpa ta a zyhtuhpazy nama vaw châ haw.

1 KAWRINI 15:3

Hezy he bie peimawh chaipa ei daopa nâmo ei cha chho pachhuahpa ei kha a châ: Biehrai bie hawhta Krista cha eima moleina vâta thi ta,

2 KAWRINI 8:6

Chatanachata ngiachhie chakaona sôh thyuna nama hry liata a vaw pathao hapa kha, patlô awpa ta Titu eimâ haw.

EPHESI 3:13

Chavâta nama châta pasa ei taopa vâta hnabeidy lei awpa ta ei châ haw ei. Nama rônah nawpa ta pasa ei taopa a châ.

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

EPHESI 6:18

Thlahchhâna nata hiana to ta khatino rai ta Thlahpa ta thlahchhâ teh u. Cha châna chata a hrohrua u la, mopathaihpa zydua châta bâh leipa ta thlahchhâ teh u.

PHILIPI 1:3

Ei châ theina maih ei ta ei Khazohpa hnohta alyna bie ei reih tyh.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

1 THYSALAWNIKA 3:12

Kyh eima cha pachâpa hawhna heta, nâmo chhao chyhsa to kyh nama pachâ thei nawpa nata nâmo nata nâmo kyh namâ pachâ raihrie thei nawpa ta, Abeipa ta nama kyhpachâna papôhsa sala, kyhpachâna liata cha pahneirôhsa mawh ei sy.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

1 TIMAWTHY 2:4

Khazohpa ta chyhsa zydua pachha ama châ khai awpa nata biehmeiseihpa ama pahno khai awpa a khoh.

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

2 TIMAWTHY 2:24

Abeipa chakaotuhpa cha, a chô liata hmo pha leipa a tlôpazy dao thei ta, chyhsa a hryuh leipa ta, chyhsa to chô liata phana palâsa ta, Khazohpa bie a pachu theipa a châ awpa a châ.

TITU 2:11

Khazohpa ngiachhiena cha a vaw luah ha ta, chyhsa zydua hnohta pachhana a vaw tlôkhei haw.

TITU 3:2

Ngiapâtuhpazy cha ahy hmah ama reipachhie awpa châ leipa ta, ahryusina amâ hneisai awpa a châ. Nônai kawpa ta y ei sala, chyhsa zydua chô liata areisina dopa ama palâsa awpa a châ.

HEBRAI 6:11

Hnabeiseihna ipa hnei awpa ta nama tiama tyhpa hawhna khata, achhâna taihta tiama papua lymâ awpa ta eima cha khokhei.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.