1 TIMAWTHY 1:16 - Mara Bible RV (BSI)

¹⁶ Châhrasala cha vâna tlai chata zawngiahna hmô na ta, Krista ta keima molei chaipa chô liata a nôphana pakipa palâsa ta, cha cha chhâzaw hrona hmô awpa ta ano a ngiapâpazy châta pamosana a châ.

1 TIMAWTHY 1:16 ပူးပေါင်းရင်းမြစ်များ

2 THÂTIHZYRONA 33:19

A thlahchhâna, Khazohpa ta a hiana a ngia­chhiena, â panawh hlâta a moleina nata a ngâchhih leina zydua, su sâhpa a taona suzy nata Aseri tôh nata khazoh nothlahpazy a paduana thâtihzy cha, Hrohsopazy Thâtih rona châbu liata ropa a châ.

HLAZY 25:11

Hy Abeipa, ei moleinazy hluh hra sala, Na moh vâta rie nâ ngiahthai mah y.

PUASAINA 34:8

Mawsi cha alei lâ thlai a bôh ta, Abeipa cha a chhy ta.

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

MALUHREINA 23:3

Bâlâma ta Bâlâka hnohta, “Raopa hlâna na hlâpa kiapâh liata a vaw duah la, kei deikua cha ânano ta kei y na ta, Abeipa a vy aw ta, einâ vaw tyh ngyu aw. Eina pahmôsapa maih ei cha chho aw,” tah ta. Chatanachata tlâh laki lâ khy ta.

LUKA 15:10

Ei cha chho ei, cha hawhna hra chata, Khazohpa vâlyuhchâpazy hmiakô liata cha, molei ropa pakha chô liata alyna a y tyh?” tah ta.

LUKA 23:43

Zisu ta a hnohta, “Hmeiseihta ta ei cha chho, tanoh he ei hnohta Pârâdi liata na y aw,” tah ta.

LUKA 7:47

Chavâta ei cha chho, he chanô he cha, a kyhpachâna a hluh ngaitapa vâta a moleina hluhpi kha a ngiahthaipa a châ haw. Ngiahthai awpa a chyh khiahta cha, kyhpachâna chhao a chyh via hra,” tah ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

ZAWHÂNA 6:37

Paw ta eina piepa maih kei lâ amâ vy khai aw. Ahy rai kei lâ a vypa maih cha dytha cheita aw va na.

ZAWHÂNA 6:40

He he ei Paw khopa cha a châ, ahy rai Sawchapawpa hmô ta a ngiapâpa maih cha chhâzaw hrona hnei aw ei ta, noh chhâna noh liata ei pathyu aw ei,” tah ta.

ZAWHÂNA 6:54

Ahy rai ei sapa nie ta, ei thisaih a dohpa cha chhâzaw hrona a hnei haw, noh chhâna noh liata ano cha ei pathyu aw.

HMOTAOPAZY 13:39

Ahy rai a ngiapâpa maih cha ato liata thai pachâsapa ta ama y. Mawsi ryhpa ta la, chazy liata thai pachâsapa ta y thei veih ei chi.

RAWMA 15:4

Hlâno ta bie ropa zydua kha eimâ chu hra awpa ta ropa a châ. Chatanachata Biehrai bie hawhta tiamana nata thatlôna hneipa ta hnabeiseihna eima hnei thei aw.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

1 KAWRINI 7:25

Dyhchâ leipa laihsa kôpazy kyh liata, Abeipa tawhta biepiepa hnei leipa na ta, châhrasala Abeipa ngiachhiena zawhzi ta chyhsa ngâchhihpa ei châna lâ tawhta ei pachâzie ei reih.

2 KAWRINI 4:1

Cha chakaona cha Khazohpa zawngiahna vâta eima hnei theipa a châpa vâta, eima palôh chhâ vei.

EPHESI 1:12

Chatanachata keimo, Krista liata hnabeiseihna a hnei tuapazy pi he a rônahna reithaina eima châ thei aw.

EPHESI 1:6

A ngiachhiena rônahzie reithai awpa ta, saw châna cha a Kyhpachâpa liata a saipa ta miah a pie.

EPHESI 2:7

Chatanachata daihti vaw tlô awpazy liata, Krista liana chata Khazohpa ta eima chô liata a phana palâsa aw ta, panua tiah leipa a ngiachhiena hluhpi eima chô lia a palâsa aw.

2 THYSALAWNIKA 1:10

Cha pachiana cha, a mopathaihpazy hry liata palyupalih awpa nata ngiapâtuhpa zydua hry liata noâh tah awpa ta â vyna noh liata a y aw. Nâmo deikua cha eimâ duakheipa bie a ngiapâtuhpazy nama châ.

1 TIMAWTHY 1:13

Kha hlâta reipachhietuhpa, taolatuhpa nata pasipasawhtuhpa vaw châ hraw sah la, ngiapâleina vâta pahno leipa ta a taopa ei châpa vâta, zawngiahna ei hmô.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

1 PITY 3:20

âmo cha Nôah hro nota balyh tao chhôh zydua Khazohpa ta dao thei ngaitapa ta a hâ chhôh ta reingiahleipa thlahpazy kha ama châ. Balyh liana cha chyhsa chyhta, pacharie deita, ti tawhta ta pachhapa ama châ.

2 PITY 3:15

Eima unawh kho ngaitapa Pawla chhao ta, a hnohta sona piepa lymâ hawhta nâmo lâ châ a ropa hawhna khata, eima Beipa daotheizie he pachhana ta rao teh u.

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.