1 THYSALAWNIKA 5:24 - Mara Bible RV (BSI)

²⁴ Châ awtuhpa ei cha ngâ a chhih ta, cha cha a tao tlai aw.

1 THYSALAWNIKA 5:24 ပူးပေါင်းရင်းမြစ်များ

2 ABEIZY 19:31

Laibâhpazy cha Zerusale tawhta pua aw ei ta, ahrohpazy Zaio Tlâh tawhta ama pua aw. Abeipa phahnaingiahna ta chazy cha a tao aw.

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

HLAZY 138:2

Nâma Achhyna o pathaihpa lâ a heipa ta a bôh na ta, Na zawngiahna nata ngâchhihna vâta, Na moh reithai aw na ta; Hmo to zydua hlâta na moh nata na bie na cheihchalo viapa vâta, Na moh ei reithai aw.

HLAZY 146:6

Abeipa cha avâ nata alei taotuhpa châ ta, Tilaipi nata a chhôh liata a ypa zydua a taotuhpa chhao châ ta, Tlyzaw ta biehmeiseihpa a vao thlâhpa a châ.

HLAZY 36:5

Hy Abeipa, na zawngiahna cha avâ kaw daih ta, Na ngâchhihna ta meihdo taih a kaw tlô.

HLAZY 40:10

Na pachhana cha ei palôh liata nyu leipa na ta, Na ngâchhihna nata na pachhana tlao ei phuah; Na kyhpachâna tleih beih leipa nata na ngâchhihna chhao, Pakhypi rônahpa liata nyu va na.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 89:2

“Na kyhpachâna tleih beih leipa cha, Chhâzaw ta a duah aw ta, Avâzy liata na ngâchhihna na pa-i aw,” tah na ta.

HLAZY 92:2

My ta na kyhpachâna tleih beih leipa phuah na ta, Zâ ta na ngâchhihna ei phuah tyh.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 37:32

Laibâhpazy cha Zerusale tawhta pua aw ei ta, ahrohpazy Zaio Tlâh tawhta ama pua aw. Abeipa phahnaingiahna ta chazy cha a tao aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

CHAPHÔHTUNA 3:23

Na kyhpachâna nata zawngiahna cha my chareih thieh lymâ ei ta, Na ngâchhihna a rônah ngaita.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MATHAI 24:35

Lei nata vâ a lei aw, ei biezy deikua lei aw vei.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

ZAWHÂNA 3:33

A bie pahnopa a pyhpa cha, Khazohpa cha adopa a châ tahpa ta a moh a chahnao pa-i.

RAWMA 8:30

A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

RAWMA 9:24

Cha ngiachhiena beihzy cha, keimo, Zuzy hry tawhta a awpazy dei châ leipa pi ta, Zenitaizy hry tawhta a awpazy chhao eima châ hra.

1 KAWRINI 1:9

A Sawchapawpa eima Beipa Zisu Krista akaona liata nâmo châ awtuhpa Khazohpa cha ngâchhihpa a châ.

1 KAWRINI 10:13

Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.

KALATIA 1:15

Châhrasala Khazohpa ta ei nô chhi liata ei y no tawhta na vaw panano ha ta, a ngiachhiena vâta eina aw haw.

RYHPACHANEINA 7:9

Chavâta Abeipa nama Khazohpa cha Khazohpa a châ tahpa pahno teh u. Ano cha Khazohpa ngâchhihpa châ ta, ano kyhpachâ ta a biepiepa a zyhtuhpazy chô liata a biehrai nata a zawngiahna chhâ sâh kha taihta a paysapa a châ.

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

2 THYSALAWNIKA 2:14

Eima Beipa Zisu Krista rônahna nama to thei nawpa ta, Khazohpa ta eima thâtihpha hmâpa ta a cha aw ei.

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

2 TIMAWTHY 2:13

Keimo ngâchhih vei hra sih la, Ano cha ngâ a chhih ta, Anosasyh a paphasai thei vei.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

2 PITY 1:3

Ano eima pahnona zawhzi ta, ano rônahna nata phana vâta miah awtuhpa Khazohpa hmotaotheina chata hrona nata Khazohpa pachâna hmo zydua miah a patosa.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.