1 THYSALAWNIKA 5:14 - Mara Bible RV (BSI)

¹⁴ Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

1 THYSALAWNIKA 5:14 ပူးပေါင်းရင်းမြစ်များ

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 6:12

Râh liata a pahrâpazy chô liata ei ku hy aw na ta, Ama ozy cha mohropazy piepa châ aw ta, Ama lyu nata lapinôzy chhao­ mohropazy piepa a châ aw,” Abeipa ta a tah.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

MATHAI 12:20

Lohthi tliepa-ipa thlie lao leipa aw ta, Meiôh thi daihmâpa pachhai lao aw vei; Ryureina dopa pahniena a patosa hlâlei cha,

LUKA 22:32

Châhrasala nâ ngiapâna a lei lei nawpa ta thlah ei cha chhâpa. Na vaw kua heih tita, na unawhzy thapatlô mah y,” tah ta.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

HMOTAOPAZY 20:35

Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 14:1

Ngiapâna liata chiehleipa chyhsa cha a pyh thai u la, â lôhleina kyh liata sei khuh vy.

1 KAWRINI 4:14

Nama noza nawpa ta he biezy he ei ropa châ vei, ei saw kho ngaitapazy hawhta cha chhorei nawpa ei ta ei ropa a châ.

1 KAWRINI 8:7

Cha pahnona cha chyhsa zydua ta hnei veih ei. Chyhsa thokha cha nothlahpa a chhy tyhpa ama châpa vâta, nothlahpa lâ hlâ hapa hawh tlai ta pachâpa ta nie ei ta, ama chhie nata pha pahnona a thatlô leipa vâta, pathaih leipa hawhta pachâpa ama a châ.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 4:2

Tlokhuh apanawhna, areisina nata daotheina zy hneipa ta, kyhpachâna ta a chhyh thai raihrie u la,

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

2 THYSALAWNIKA 3:15

Khakhaipa hawhta deikua moh leipa u la, unawh hawhta zikyu a râ muh vy.

1 TIMAWTHY 3:3

kresawhti pari hmâh leipa, thachahra hmâh leipa chyhsa nônaipa, ahryuchhiana a tao leipa nata tâkâ sôh liata karâ y leipa a châ awpa a châ.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

TITU 1:10

Ryhpa a zyh khoh leipa, bie a reih chakhyhpa nata chyhsa dôvei hmâhpa hluhpi, a eih pachaipa ta, chopawtaipazy hry liata ama y.

TITU 1:6

Awnanopa chhituhpa châ awpa ta cha, seina hnei leipa, lapinô pakha a hneipa, a sawzy nôchhiepa nata reingiah leipa châ leipa ta, ngiapâtuhpa ama châ awpa a châ.

HEBRAI 12:12

Chavâta nama bâh pathliahpazy chalo u la, nama pakhu thazeipazy thapatlô teh u.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.