1 THYSALAWNIKA 4:4 - Mara Bible RV (BSI)

⁴ Nama pôhpa cha pathaihpa nata zachhihpa châ awpa ta a vao pahniezie nama pahno chyu awpa a châ.

1 THYSALAWNIKA 4:4 ပူးပေါင်းရင်းမြစ်များ

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 1:24

Chavâta ama pôhpa nozachhih ngaitapa ta a tao raihrie awpa ta, ama pathipalôh aohraohna hawhta hmo puapa tao awpa ta Khazohpa ta â heihsai ha ei.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

1 KAWRINI 6:15

Nama pôhpa cha Krista pachiahpazy a châ tahpa pahno veih ei chi mâ? Cha khiahta la, Krista pachiahpazy cha lapa ta, âzuahnô pachiahpazy ta ei tao aw ma? Tao beih aw va na!

1 KAWRINI 7:2

Châhrasala apatlana moleina khôkhâh nawpa ta, chapaw ta lapinô hnei chyu ei sala, chanô chhao ta vahpa hnei chyu mawh ei sy.

1 KAWRINI 7:9

Amâ kuah thei leipa khiah deikua cha, lapinô nata vahpa ama hnei awpa a pha. Chanô chapaw châna pachâna sai ta bie thlâh hapa hlâta cha, lapinô nata vahpa hnei lâlaopa a pha via.

2 KAWRINI 4:7

Châhrasala hmotaotheina rônah ngaitapa he, keimo tawhta a puapa châ leipa ta, Khazohpa eih a châpa eima palâsa thei nawpa ta, cha ryu cha alei beihzy liata eimâ vao.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

1 PITY 3:7

Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.

1 SAMUELA 21:5

Dâvi ta theihthaipa cha a chhy ta, a hnohta, “Adyuhna lâ ei sie nota ei tao tyhpa hawhta, chanô liata eima pathaih tahpa â ipa ta ei rei ngâh. Khitlyna peimawh hropa ta khi eima tly nota chhao, satliazy hmobaoh cha pathaisa khai hapa a châ tyh. Tanoh hawhpa liata chhochhi cha, ama hmobaoh a pathaih via pachai mâh tâh” tah ta.